Келечи Ихеаначо

Келечи Ихеаначо
Лични податоци
Полно име	Келечи Промис Ихеаначо
Роден на	3 октомври 1996 (28 г.)
Роден во	Овери, Нигерија
Држава	Нигерија
Висина	1,85 м
Позиција	напаѓач
Клупски податоци
Сегашен клуб	Лестер Сити
Број	14
Младинска кариера
	Таје Академиja
	Манчестер Сити
Кариера*
Репрезентација ‡
	* Ажурирано на: 23 април 2021; ** Ажурирано на: 23 април 2021

Келечи Ихеаначо (роден на 3 октомври 1996 година, во Овери) — нигериски фудбалер, напаѓач на Лестер Сити и на нигериската репрезентација.

Ихеаначо ја започнал својата сениорска кариера во екипата на Манчестер Сити за време на сезона 2015–2016.^[4]^[5]^[6] Во 2017 година, тој потпишал за Лестер Сити кој го платил 25 милиони фунти.

Ихеаначо ја претставувал својата родна Нигерија во младинските репрезентации. Тој бил дел од составот на репрезентацијата која го освоила Светското првенство под 17 години 2013 и репрезентацијата под 20 години која настапила на Светско првенство под 20 години 2015. Своето деби за сениорската репрезентација го направил во 2015 година, и играл на Светското првенство 2018.

Биографија

Ихеаначо е роден на 3 октомври 1996 во градот Овери, во сојузната држава Имо. Тој е едно од четирите деца (три момчиња и едно девојче) на Елдер (татко) и Лејт (мајка), и нивниот најмлад син.^[7]

Ихеаначо е етнички Игбо.^[8]

Технички карактеристики

Левоног фудбалер кој може да игра неколку позиции во нападот, како офанзивно крило во 4-3-3, или како втор напаѓач ако најофанзивната линија во тимот е составена од двајца играчи. Со доаѓањето на Пеп Гвардиола во Манчестер Сити, во отсуство на првиот напаѓач Серхио Агуеро, тој го користел Ихеаначо како централен напаѓач односно таканаречена лажна деветка.

Се одликува со добра техника и е тежок противник за чување особено ќе насобере брзина и има отворен простор да игра еден на еден.

Клупска кариера

Почетоци

Својата кариера ја започнал во академијата Таје во градот Овери, во својата родна Нигерија.^[9] Вниманието кон себе го свртел со својте настапи на Светското првенство под 17 години 2013, кога привлекол интерес на голем број клубови од Европа. Во декември 2012 година, тој потпишал преддоговор со англискиот клуб Манчестер Сити кој ја победил конкуренцијата за негово доведување, според кој Ихеаначо официјално би требало да му се приклучи на клубот во октомври 2014 година - кога ќе наполни 18 години.^[10]

Манчестер Сити

Ихеаначо му се приклучил на Манчестер Сити на 10 јануари 2015. Во текот на сезоната 2014-2015, играл само за младите тимови под 19 и под 21 година, но затоа веќе следната сезона бил унапреден во првиот тим.

Дебитирал на 29 август против Вотфорд во натпревар од Премиер лигата, заменувајќи го Рахим Стерлинг последната минута.^[11] Својот прв гол во дресот на Манчестер Сити го постигнал на 12 септември 2015 против Кристал Палас, повторно влегувајќи од клупата за резерви на местото на Вилфред Бони;^[12] голот бил единствениот виден на тој натпревар и се покажал победнички за небесно сините од Манчестер. Добрите игри му донеле поголема минутажа и улога во тимот, а тој вратил со уште голови. На 30 јануари 2016, Ихеаначо го постигнал својот прв хет-трик во кариерата против Астон Вила во ФА Купот во победата со 4-0, во која тој исто така забележил и асистенција за четвртиот гол.^[13] Својата прва професионална сезона ја завршил со 8 гола во Премиер лигата и вкупно 14 голови во сите натпреварувања.

Следната сезона под водството на Пеп Гвардиола, Ихеаначо му помогнал на Сити да го победи Манчестер Јунајтед со 1-2 на Олд Трафорд во Дербито на Манчестер, постигнувајќи го победничкиот погодок за својот тим; претходно тој, исто така, бил и асистент за првиот гол на граѓаните.^[14] Само четири дена подоцна, влегувајќи од клупата за резерви тој го постигнал својот прв погодок во Лигата на шампионите во победата со 4-0 над Борусија Менхенгладбах. Веќе во следниот натпревар со голот кој го постигнал во победата со 4-0 над Борнмут, тој влегол во историјата како еден од малкуте играчи кој успеале да постигнат 10 гола во Премиер лигата пред да наполнат 20 години. Својата авантура со Манчестер Сити ја завршил во летото 2017, забележувајќи вкупно 63 настапи и 21 гол во првенството, националните купови и европските натпреварувања.

Лестер Сити

На 3 август 2017, се преселил во Лестер Сити во трансфер вреден 25 милиони фунти.^[15] Осум дена подоцна дебитирал за лисиците против Арсенал, во поразот со 4-3.^[16] Својот прв гол го постигнал против Лидс Јунајтед во Лига купот на 24 октомври 2017,^[17] а првиот гол во Премиер лигата во дресот на Лестер го постигнал на 10 март 2018 во победата со 4-1 на гостувањето кај Вест Бромвич Албион.

Во првите три сезони, Ихеаначо воглавно бил резерва за првата ѕвезда на клубот Џејми Варди, многу ретко започнувајќи ги натпреварите во почетната постава. Така, тој најчесто играл во куповите каде редовно постигнувал голови. Сепак, за време на сезоната 2020-2021, Варди се повредил и пропуштил неколку натпревари во јануари и февруари и Ихеаначо ја искористил својата шанса: тој го постигнал својот прв гол за сезоната во Премиер лигата во победата со 2-0 над Фулам. Осум дена подоцна тој го постигнал единствениот гол во победата со 1-0 над Брајтон, во петтото коло на ФА Купот. Првиот хет-трик за Лестер го постигнал против Шефилд Јунајтед на 14 март 2021,^[18] а седум дена подоцна со два гола и една асистенција му помогнал на Лестер да го елиминира Манчестер Јунајтед од ФА Купот со победа од 3-1. На 18 април 2021, тој бил стрелец на единствениот гол во победата со 1-0 над Саутхемптон во полуфиналето на ФА Купот одиграно на Вембли. Победата ги одвела лисиците во нивното прво финале на ФА Купот од 1969 година.^[19] На 26 април го постигнал својот 10-ти гол во Премиер лигата за сезоната, во победата со 2-1 на домашен терен над Кристал Палас.

Репрезентативна кариера

Во 2013 година, Ихеаначо бил повикан да игра за нигериската репрезентација под 17 години на Светското првенство за играчи на спомената возраст, кое оваа репрезентација го освоила. Со 6 гола на 7 натпревари, тој исто така бил номиниран за најдобар играч на турнирот.

Во 2015 година, учествувал на Светското првенство под 20 години со соодветната репрезентација, излегувајќи на теренот само во два наврати.

Во октомври истата година тој бил повикан од селекторот на сениорска репрезентација, Сандеј Олисех. Своето деби го направил на 13 ноември, влегувајќи во игра од клупата за резерви во 66-тата минута од натпреварот против Есватини во квалификациите за СП 2018, кој завршил 0-0. Неговиот прв старт за сениорскиот тим го имал на 25 март 2016 година, во ремито 1-1 со Египет во квалификациски натпревар за Африканскиот куп на нации 2017.^[20] На 27 мај 2016, го постигнал својот прв гол во дресот со националниот грб во пријателски натпревар против Мали кој завршил 1-0 за Орлите.

Во 2018 година, бил повикан од селекторот Гернот Рор во составот од 23 играчи за Светското првенство 2018. Тој играл во сите три натпревари од групата против Хрватска, Исланд и Аргентина, но неговата репрезентација била елиминирана уште во првата фаза на мундијалот во Русија.

На 25 декември 2021, Ихеаначо бил повикан во составот на репрезентацијата од вршителот на должноста селектор на Нигерија, Остин Егуавон, за Африканскиот куп на нации 2021.^[21] Тој го постигнал првиот гол за нигеријците на турнирот, и тој се покажал како победнички во успехот со 1-0 над Египет во првиот натпревар од групата.^[22]

Хронологија на репрезентативните настапи

Хронологија на настапи и постигнати голови за националната селекција ― Нигерија
Дата	Град	Домашни	Резултат	Гости	Натпреварување	Голови	Инфо	Детали
13-11-2015	Лобамба	Свазиленд	0 – 0	Нигерија	Квал. за СП 2018	-	66'
25-3-2016	Кадуна	Нигерија	1 – 1	Египет	Квал. за АКН 2017	-	62'
27-5-2016	Ле Пети Кевији	Нигерија	1 – 0	Мали	Пријателска	1	74'
31-5-2016	Луксембург	Луксембург	1 – 3	Нигерија	Пријателска	1
3-9-2016	Ујо	Нигерија	1 – 0	Танзанија	Квал. за АКН 2017	1
9-10-2016	Ндола	Замбија	1 – 2	Нигерија	Квал. за СП 2018	1
12-11-2016	Ујо	Нигерија	3 – 1	Алжир	Квал. за СП 2018	-
23-3-2017	Лондон	Нигерија	1 – 1	Сенегал	Пријателска	1
1-6-2017	Сен-Ле-ла-Форе	Нигерија	3 – 0	Того	Пријателска	1	70'
10-6-2017	Ујо	Нигерија	0 – 2	Јужна Африка	Квал. за АКН 2019	-	71'
1-9-2017	Ујо	Нигерија	4 – 0	Камерун	Квал. за СП 2018	1	61'
4-9-2017	Јаунде	Камерун	1 – 1	Нигерија	Квал. за СП 2018	-	80'
10-11-2017	Константин	Алжир	1 – 1	Нигерија	Квал. за СП 2018	-
14-11-2017	Краснодар	Аргентина	2 – 4	Нигерија	Пријателска	1	16' 70'
23-3-2018	Вроцлав	Полска	0 – 1	Нигерија	Пријателска	-	82'
28-5-2018	Порт Харкурт	Нигерија	1 – 1	ДР Конго	Пријателска	-	46'
2-6-2018	Лондон	Англија	2 – 1	Нигерија	Пријателска	-	77'
16-6-2018	Калининград	Хрватска	2 – 0	Нигерија	СП 2018 - Прва фаза	-	75'
22-6-2018	Волгоград	Нигерија	2 – 0	Исланд	СП 2018 - Прва фаза	-	85'
26-6-2018	Санкт Петербург	Нигерија	1 – 2	Аргентина	СП 2018 - Прва фаза	-	46'
8-9-2018	Викторија	Сејшели	0 – 3	Нигерија	Квал. за АКН 2019	-	59' 64'
11-9-2018	Монровија	Либерија	1 – 2	Нигерија	Пријателска	-	46'
17-11-2018	Јоханесбург	Јужна Африка	1 – 1	Нигерија	Квал. за АКН 2019	-	69'
20-11-2018	Асаба	Нигерија	0 – 0	Уганда	Пријателска	-	88'
9-10-2020	Клагенфурт	Нигерија	0 – 1	Алжир	Пријателска	-	67'
13-10-2020	Абуџа	Нигерија	1 – 1	Тунис	Пријателска	1	76'
13-11-2020	Бенин Сити	Нигерија	4 – 4	Сиера Леоне	Квал. за АКН 2021	-	62'
17-11-2020	Фритаун	Сиера Леоне	0 – 0	Нигерија	Квал. за АКН 2021	-	84'
27-3-2021	Котону	Бенин	0 – 1	Нигерија	Квал. за АКН 2021	-	46'
30-3-2021	Абеокута	Нигерија	3 – 0	Лесото	Квал. за АКН 2021	-	85'
Вкупно		Настапи	30		Голови	9

Статистика на кариерата

Клупска статистика

Статистиката е ажурирана на 22 април 2021.

Сезона	Клуб	Првенство			Национален куп			Континентален куп			Останати купови			Вкупно
Сезона	Клуб	Лига	Наст	Гол	Лига	Наст	Гол	Лига	Наст	Гол	Лига	Наст	Гол	Наст	Гол
2015-2016	Манчестер Сити	ПЛ	26	8	ФАКуп+ЛК	3+2	4+2	ЛШ	4	0	-	-	-	35	14
2016-2017	Манчестер Сити	ПЛ	20	4	ФАКуп+ЛК	3+2	1+0	ЛШ	4^[23]	2^[24]	-	-	-	28	7
Вкупно Манчестер Сити			46	12		10	7		8	2		-	-	64	21
2017-2018	Лестер Сити	ПЛ	21	3	ФАКуп+ЛК	5+2	4+1	-	-	-	-	-	-	28	8
2018-2019		ПЛ	30	1	ФАКуп+ЛК	1+4	0+1	-	-	-	-	-	-	35	2
2019-2020		ПЛ	20	5	ФАКуп+ЛК	2+4	1+4	-	-	-	-	-	-	26	10
2020-2021		ПЛ	19	9	ФАКуп+ЛК	5+1	4+0	ЛЕ	7	3	-	-	-	32	16
Вкупно Лестер Сити			90	18		24	15		7	3		-	-	121	36
Вкупно во кариерата			136	30		34	22		15	5		-	-	185	57

Рекорди

Африкански играч со најмногу постигнати голови во историјата на ФА Купот: 14.^[25]

Титули

Клупски

Манчестер Сити

Лига куп на Англија : 1

2015-2016

Лестер Сити

ФА Куп : 1

2020-2021

ФА Комјунити Шилд : 1

2021

Репрезентативни

Нигерија под 19 години

Светско првенство под 17 години 1

2013

Наводи

↑ „FIFA World Cup Russia 2018: List of Players: Nigeria“ (PDF). FIFA. 15 July 2018. стр. 19. Архивирано од изворникот (PDF) на 11 June 2019.
↑ „Kelechi Iheanacho: Overview“. ESPN. Посетено на 14 April 2021.
↑ „Kelechi Iheanacho: Overview“. Premier League. Посетено на 14 April 2021.
↑ „Iheanacho in City's first team squad next season“. Football. Архивирано од изворникот на 18 June 2015.
↑ Rob Pollard. „Why Kelechi Iheanacho Will Be the Next Star to Come Through Man City's Academy“. Bleacher Report.
↑ „Kelechi Iheanacho scores brace in Manchester United U21 defeat“. Goal.com.
↑ Hale Hendrix. „Kelechi Iheanacho Childhood Story“. Архивирано од изворникот на 2021-03-14. Посетено на 25 април 2021.
↑ „Reason Why 'Ịheanachọ' Has Two Dots Under His Name“. CheapGoals (англиски). 16 February 2018. Посетено на 12 April 2021.
↑ „Kelechi Iheanacho: Profile“. worldfootball.net. HEIM:SPIEL. Посетено на 14 April 2021.
↑ „Transfer news: Manchester City deal for Kelechi Iheanacho claimed“. Sky Sports. 10 January 2014. Посетено на 20 June 2015.
↑ Bevan, Chris (29 август 2015). „Man City 2–0 Watford“. BBC Sport.
↑ Cryer, Andy (12 септември 2015). „Crystal Palace 0–1 Man City“. BBC Sport.
↑ „Aston Villa 0–4 Man City“. BBC Sport. 30 јануари 2016.
↑ „Iheanacho pleased with derby heroics“. supersport.com. Посетено на 12 September 2016.
↑ „Leicester City Sign Striker Kelechi Iheanacho“. Leicester City F.C. 3 август 2017.
↑ „Arsenal 4–3 Leicester City“. BBC Sport. 11 август 2017.
↑ „Leicester 3–1 Leeds“. BBC. 24 октомври 2017.
↑ „Kelechi Iheanacho hits hat-trick as Leicester thrash sorry Sheffield United“. The Guardian. 14 март 2021.
↑ McNulty, Phil (18 April 2021). „Leicester City 1-0 Southampton: Kelechi Iheanacho earns Foxes first FA Cup final spot since 1969“. BBC Sport. Посетено на 18 April 2021.
↑ „Nigeria 1 – 1 Egypt Match report – 3/25/16 Africa Cup of Nations Qualification“. Goal. Посетено на 27 March 2016.
↑ Football, CAF-Confedération Africaine du. „Eguavoen announces Nigeria final TotalEnergies AFCON squad“. CAFOnline.com. Посетено на 11 January 2022.
↑ „[LIVE] Nigeria vs Egypt: Iheanacho's goal puts impressive Super Eagles ahead at half time“. Punch Newspapers. 11 January 2022. Посетено на 11 January 2022.
↑ 1 настап во плејофот
↑ 0 голови во плејофот
↑ „Kelechi Iheanacho breaks Didier Drogba's FA Cup record“. 21 март 2021. Посетено на 26 април 2021. Занемарен непознатиот параметар |publihser= (се препорачува |publisher=) (help)

Надворешни врски

[1] „FIFA World Cup Russia 2018: List of Players: Nigeria“ (PDF). FIFA. 15 July 2018. стр. 19. Архивирано од изворникот (PDF) на 11 June 2019.

[2] „Kelechi Iheanacho: Overview“. ESPN. Посетено на 14 April 2021.

[3] „Kelechi Iheanacho: Overview“. Premier League. Посетено на 14 April 2021.

[4] „Iheanacho in City's first team squad next season“. Football. Архивирано од изворникот на 18 June 2015.

[5] Rob Pollard. „Why Kelechi Iheanacho Will Be the Next Star to Come Through Man City's Academy“. Bleacher Report.

[6] „Kelechi Iheanacho scores brace in Manchester United U21 defeat“. Goal.com.

[7] Hale Hendrix. „Kelechi Iheanacho Childhood Story“. Архивирано од изворникот на 2021-03-14. Посетено на 25 април 2021.

[8] „Reason Why 'Ịheanachọ' Has Two Dots Under His Name“. CheapGoals (англиски). 16 February 2018. Посетено на 12 April 2021.

[9] „Kelechi Iheanacho: Profile“. worldfootball.net. HEIM:SPIEL. Посетено на 14 April 2021.

[10] „Transfer news: Manchester City deal for Kelechi Iheanacho claimed“. Sky Sports. 10 January 2014. Посетено на 20 June 2015.

[11] Bevan, Chris (29 август 2015). „Man City 2–0 Watford“. BBC Sport.

[12] Cryer, Andy (12 септември 2015). „Crystal Palace 0–1 Man City“. BBC Sport.

[13] „Aston Villa 0–4 Man City“. BBC Sport. 30 јануари 2016.

[14] „Iheanacho pleased with derby heroics“. supersport.com. Посетено на 12 September 2016.

[15] „Leicester City Sign Striker Kelechi Iheanacho“. Leicester City F.C. 3 август 2017.

[16] „Arsenal 4–3 Leicester City“. BBC Sport. 11 август 2017.

[17] „Leicester 3–1 Leeds“. BBC. 24 октомври 2017.

[18] „Kelechi Iheanacho hits hat-trick as Leicester thrash sorry Sheffield United“. The Guardian. 14 март 2021.

[19] McNulty, Phil (18 April 2021). „Leicester City 1-0 Southampton: Kelechi Iheanacho earns Foxes first FA Cup final spot since 1969“. BBC Sport. Посетено на 18 April 2021.

[20] „Nigeria 1 – 1 Egypt Match report – 3/25/16 Africa Cup of Nations Qualification“. Goal. Посетено на 27 March 2016.

[21] Football, CAF-Confedération Africaine du. „Eguavoen announces Nigeria final TotalEnergies AFCON squad“. CAFOnline.com. Посетено на 11 January 2022.

[22] „[LIVE] Nigeria vs Egypt: Iheanacho's goal puts impressive Super Eagles ahead at half time“. Punch Newspapers. 11 January 2022. Посетено на 11 January 2022.

[23] 1 настап во плејофот

[24] 0 голови во плејофот

[25] „Kelechi Iheanacho breaks Didier Drogba's FA Cup record“. 21 март 2021. Посетено на 26 април 2021. Занемарен непознатиот параметар |publihser= (се препорачува |publisher=) (help)

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]