Зигфрид

Зигфрид ја пие крвта на Фафнир

Зигфрид (германски: Siegfried, средногорногермански: Sivrit) или Сигурд (старонордиски: Sigurðr, од sigr — „победа“, urðr — „судбина“) — еден од најважните јунаци на германско-нордиската митологија и еп, јунакот на „Песната за Нибелунзите“. Според митот, Зигфрид бил велик воин што постигнал многу подвизи. Еден од неговите подвизи бил да го победи змејот Фафнир. Откако се намачкал со крвта и маснотиите на чудовиштето, се здобил со неранливост, но само мала површина од телото на грбот останала незаштитена. И во нордиската и во германската традиција, смртта на Зигфрид е претставена како последица на кавга помеѓу неговата сопруга Кримхилда, и друга жена, Брунхилда, која ја измамил да се омажи за бургундскиот крал Гундахар.

Надворешни врски

•  Chisholm, Hugh, уред. (1911). „Sigurd“ . Encyclopædia Britannica (11. изд.). Cambridge University Press.