Палеогеографија

Палеогеографија — наука која се занимава со утврдување на физичко-географските услови на Земјината површина во текот на геолошките периоди. Кога се задржува особено на земјишните облици, се нарекува палеогеоморфологија.

Расцепувањето на суперконтинентот Пангеја и поместувањето на неговите составници од горниот тријас (-250 млн год.) до денес.

Оваа дисциплина дава клучни информации за голем број полиња. На пример, палеогеографската анализа на таложни сливови игра голема улога во нафтената геологија, со тоа што геоморфолошки средини на Земјината површина во далечното минато се запазени во стратиграфските наоди. Пелогеографите исто така ја изучуваат таложната средина со фосили за да добијат сознанија за еволутивниот развој на изумрените видови. Наодите од оваа гранка помогнале во развојот на теоријата за континентално поместување, а и денес имаат улога во предвидувањето на тектонските движења. Палеогеографијата ни укажува на обликот и местоположбата на суперконтинентите како Пангеја и праисториските океани како Панталаса, овозможувајќи нивна реконструкција.

Поврзано

• Палеоклиматологија — ја изучува климата во далечното минато
• Палеоекологија — односот помеѓу организмите и нивните животна средина во текот на геолошката историја
• Палеонтологија — изучувањето на праисториските животни, често преку фосили
• Палеохидрологија — промените во хидрологијата во текот на геолошката историја.
• Физичка географија
• Тектоника на плочите — поведението на плочите на Земјата

Надворешни врски

• Карта на развојот на континентите со текот на времето во стилот на Гугл Земја
• Палеогеографија во Енциклопедија Британика (англиски)
• Палеогеографија — Голема руска енциклопедија (руски)
• Палеогеографија — студиска програма на УГД „Гоце Делчев“ - Штип Архивирано на 10 октомври 2019 г. (македонски)