Sulaiman ar-Rasuli
![]() | |||
Biografi | |||
---|---|---|---|
Lahia | 10 Desember 1871 ![]() Candung ![]() | ||
Kamatian | 1r Agustus 1970 ![]() Candung ![]() | ||
9 Nopember 1956 – 20 Juli 1957 – Kuasini Sabil (id) ![]() | |||
Data pribadi | |||
Kalompok etnis | Urang Minangkabau ![]() | ||
Agamo | Sunni ![]() | ||
Kaluarga | |||
Anak | Baharuddin Arrasuli (id) ![]() ![]() |
Syekh Sulaiman ar-Rasuli nan dikenal juo sabagai Inyiak Canduang (lahia di Candung, Agam, Sumatera Barat, 10 Desember 1871 – maningga 1 Agustus 1970 pado umua 98 taun) iolah saurang ulama Minangkabau nan mandirian Persatuan Tarbiyah Islamiyah (Perti) dan Madrasah Tarbiyah Islamiyah (MTI) Canduang. Inyo adolah salah satu ulama nan mandukuang kasarasian adat Minangkabau jo syarak dari paribasa Adaik basandi syarak, syarak basandi Kitabullah.
Biografi
[suntiang | suntiang sumber]Hiduik mudo
[suntiang | suntiang sumber]Sulaiman lahia di Candung pado 10 Desember 1871, anak dari Muhammad Rasul Tuanku Mudo jo Siti Buliah. Pandidikan agamonyo nan patamo didapek dari apaknyo, guru agamo di Surau Tangah. Niniak Sulaiman dari pihak bapak, Tuanku Nan Paik, iolah ulama pulo di Candung. Pado taun 1881, inyo mulai baraja Al-Qur'an kapado Syekh Abdurrahman jo Syekh Muhammad Arsyad di Batuhampar. Duo taun sasudah itu, pindahlah inyo ka Biaro untuak baraja bahaso Arab kapado Syekh Abdussamad Tuan Samiak. Katiko Tuan Samiak naiak haji, inyo berguru kepada Syekh Muhammad Ali Tuanku Kolok, Syekh Muhammad Salim Sungai Dareh, dan Syekh Abdussalam Banuhampu. Pado tahun 1890, Sulaiman malajari fikih, usul fikih, tafsir Al-Qur'an, tauhid, dan lain-lain dari Syekh Abdullah di Halaban, kamudian magaja di surau gurunyo sajak taun 1896.[1]
Sulaiman baliak ka Canduang pado taun 1902 untuk mangaja di sinan sampai naiak haji pada 1903. Di Makkah salamo ampek taun, inyo baguru ka banyak ulama. Di antaro ulama nan manjadi guru Sulaiman iolah Syekh Ahmad Khatib al-Minankabawi, Syekh Mukhtar Atarid al-Bughuri, Syekh Umar Bajunaid al-Hadrami, Syekh Ahmad Syata al-Makki, Syekh Ali al-Kalantani, Syekh Usman as-Sarawaqi, Syekh Said al-Yamani, dan Syekh Ahmad al-Fatani.[2][3] Sasudah tamek mangaji, inyo babaliak ka Candung mandirian surau pado taun 1908.[4] Pado taun 1923, inyo mandapek ijazah Naqshbandi-Khalidi dari Muhammad Arsyad, anak Abdurrahman Batuhampar.[5]
Pajuangan maso Balando jo Japang
[suntiang | suntiang sumber]Syekh Sulaiman ar-Rasuli pernah bagabuang ka babarapo organisasi nan bakambang di Minangkabau pado maso itu. Pado taun 1918, inyo manjadi ketua cabang Syarikat Islam di Candung-Baso. Syekh Sulaiman ar-Rasuli pernah bergabung ke beberapa organisasi yang berkembang di Minangkabau waktu itu. Sabagai ahli fikih, Inyiak Canduang parnah manjadi kadi di Candung pado 1917-1944.[6] Pado taun 1918, inyo duduak sabagai ketua cabang Syarikat Islam di Candung-Baso. Pado taun 1921, inyo basamo Syekh Muhammad Saad Mungka jo ulama Kaum Tua lainnyo mandirian Ittihad Ulama Sumatera.[7]
Pado taun 1928, Syekh Sulaiman jo Syekh Abbas Padang Lawas, Syekh Muhammad Jamil Jaho, jo ulama Kaum Tuo lainnyo mandirian Persatuan Tarbiyah Islamiah (Perti). Persatuan iko dibentuk sabagai wadah untuak babarapo Madrasah Tarbiyah Islamiyah (MTI) di Minangkabau, tamasuak di antaronyo adolah MTI Candiung pimpinan sang Inyiak Canduang.[8] Dari Canduang, Perti maleba sayoknyo ka babagai tampek di Hindia Balando.
Katiko Japang masuak ka Hindia Balando, Syekh Sulaiman sarato ulama dari Kaum Muda jo Kaum Tua mambantuak Majelis Islam Tinggi Minangkabau pado taun 1943. Syekh Sulaiman ar-Rasuli manjadi ketua umum, H. Abdul Gaffar Jambek sabagai ketua I, H. Mansur Daud Dt. Palimo Kayo sabagai sekretaris umum, H. Mahmud Yunus sabagai ketua dewan pangajaran, sarato H. Ahmad Rasyid St. Mansur sabagai wakil Muhammadiah jo H. Sirajuddin Abbas sabagai wakil Perti.[9] Syekh Sulaiman hadia pulo sabagai wakil Minangkabau dalam konferensi alim ulama di Singapura pado taun 1943. Pado taun 1943, inyo manjadi salah surang perwakilan dari Minangkabau pado konferensi ulama di Singapura.[6]
Sasudah kamardekaan Indonesia
[suntiang | suntiang sumber]Sasudah Indonesia merdeka, Sulaiman ar-Rasuli mulai tajun ka dunia politik. Pado 22-24 Desember 1945, pangurus Perti mangadokan kongres di Bukittinggi untuak mambuek Perti sabagai partai politik nan banamo Partai Islam Perti (PI Perti).[10] Inyiak Canduang selaku Penasihat Tertinggi PI Perti membentuk Lasykar Muslimin Indonesia dan Lasykar Muslimat sebagai barisan pejuang Perti selama revolusi nasional. Syekh Sulaiman duduak pulo sabagai Ketua Mahkamah Syar'iyah (Pengadilan Agama) Sumatra Tengah dari taun 1947 sampai 1958. Inyiak Canduang tapiliah pado Pemilu 1955, sabagai anggota Konstituante dari PI-Perti dan dipiliah sabagai pimpinan sidang patamo Konstituante pado tanggal 10 November 1956. Inyo juo manubuakan Lasykar Muslimin Indonesia, sayap paramilitar PERTI salamo revolusi nasional pado taun 1945-1949.[11]
Syekh Sulaiman ar-Rasuli maningga pado 1 Agustus 1970. Ribuan palayat badatangan ka pamakaman Syekh Sulaiman di MTI Candung. Harun Zain sabagai gubernur Sumatera Barat maso itu mamarentahan pangibaran bendera satangah tiang sabagai tando bakabuang. MTI Candung ditaruihan kapamimpinannyo dek anaknyo, Baharuddin ar-Rasuli, nan diamanatkan mambina pesantren itu sajak 1965.[12]
Pandangan
[suntiang | suntiang sumber]Kaum Tuo
[suntiang | suntiang sumber]Syekh Sulaiman ar-Rasuli barado di pihak Kaum Tua pado maso kambangnyo debat Kaum Tuo-Kaum Mudo. Banyak padebatan jo pabedaan paham antaro kaduo golongan itu takait masalah agamo sarupo kunut subuh, kenduri urang mati, barzanji, taklid mazhab Syafi'i, ziarah kubur, dan lain-lain. [13] [14] Untuak mandukuang pendapat Kaum Tuo, Inyiak Canduang manulih pabagai uraian tantang uṣallī, tajamahan al-Qur'an, akidah Asy'ari namun manulih pulo tantang aliran lain sarupo bantahan tahadap Ahmadiyah, dan lain-lain.[15] Kitabnyo Jawāhir al-Kalāmiyyah and Aqwāl al-Marḍiyah masih diajarkan ka murid-murid MTI Canduang
Sebagai panganut Naqsyabandi, Sulaiman ar-Rasuli mambela tarekat itu dengan manulih pabagai hujah dan dalil tantang amalan rābiṭah dan zikir-zikir Naqsyabandiyah. Namun, inyo mangkritik pulo pandangan tokoh sasamo Naqsyabandiah nan indak sasuai jo fikih dan akidah Sunni, tampak dalam pabantahannyo jo Haji Jalaluddin, tokoh PPTI saat Konferensi Tarekat Bukittinggi 1954.[16][17][18][19]
Adat Minangkabau
[suntiang | suntiang sumber]Dari banyak ulama Minangkabau pado zaman itu, Syekh Sulaiman ar-Rasuli manulih banyak tantang adat Minangkabau dan kasarasiannyo jo Islam. Parannyo cukup gadang dalam mangusuang papatah adat basandi syarak, syarak basandi Kitabullah dalam mamadukan pandangan penghulu adat dengan alim ulama pada abad ke-20. Inyo bakuliah pulo tantang adat dan syarak di Gunung Sahilan, Taluk Kuantan, dan Pulau Gadang. Idrus Hakimy Dt. Rajo Panghulu, ahli adat Minangkabau dan saurang pandiri Lembaga Kerapatan Adat Alam Minangkabau, iolah murid dari Inyiak Canduang.[20][12]
Kahidupan pribadi
[suntiang | suntiang sumber]Sulaiman Ar-Rasuli samaso iduiknyo manikah 17 kali, baik carai iduik maupun ditingga mati. Bini-bininyo itu iolah Shafiyah, Hasanah, Raudhah, Rawasah, N.N, Salehah, Lambok, Rakena, Rakimah, Fatimah, Dalipah, Nurilah, Rugayah, Jailan, Fatimah, Jalisam, dan Alamsiyah. Dari katujuah baleh bininyo itu, Sulaiman Ar-Rasuli dikarunai 19 anak. Di antaronyo nan manjadi ulama adolah Baharuddin Arrasuli, Syahruddin Arrasuli, dan Muhammad Noer Arrasuli.[21]
Karya
[suntiang | suntiang sumber]Inyiak Canduang manulih banyak buku jo ulasan tantang fiqh, ʿaqīdah, taṣawwuf, tafsir, sīrah, jo adat Minangkabau.[22][12]
- Aqwāl al-'Āliyah fī Tariqah al-Naqshabandiyyah
- Aqwāl al-Marḍiyyah
- Aqwāl al-Wāsiṭah fī al-Dhikr wa al-Rābiṭah
- Tablīgh al-Amānāt
- Thamarah al-Iḥsān
- Jawāhir al-Kalāmiyyah
- Dawā' al-Qulūb
- Sabīl al-Salamah
- Qaul al-Bayān
- Enam Risalah
- Nasihat Maulana Syekh Sulaiman ar-Rasuli
- Islam panduduak
- Pedoman Puasa
- Asal Pangkat Penghulu dan Pendiriannya
- Keadaan Minangkabau Dahulu dan Sekarang
- Mari Bersatu dengan Adat dan Syarak
- Pedoman Hidup di Alam Minangkabau
- Pertalian Adat dan Syarak di Minangkabau
- Sari Pati Sumpah Sati Bukit Marapalam
Panunjuak
[suntiang | suntiang sumber]Catatan kaki
[suntiang | suntiang sumber]- ↑ Ilyas 1995, hlm. 4.
- ↑ Ilyas 1995, hlm. 5.
- ↑ Kosim 2015, hlm. 24.
- ↑ Kosim 2013, hlm. 21.
- ↑ Latief 1988, hlm. 326.
- ↑ a b Kosim 2015, hlm. 25.
- ↑ Koto 2012, hlm. 30.
- ↑ Koto 2012, hlm. 31-32.
- ↑ Ilyas 1995, hlm. 9.
- ↑ Departemen Penerangan RI 1954, hlm. 431.
- ↑ Departemen Penerangan RI 1953, hlm. 554.
- ↑ a b c Kosim 2015, hlm. 26.
- ↑ Hamka 1982, hlm. 102-104.
- ↑ ar-Rasuli 1933.
- ↑ https://www.mticanduang.sch.id/wp-content/uploads/2019/04/KITAB-YANG-DIPELAJARI.pdf
- ↑ ar-Rasuli 1925.
- ↑ ar-Rasuli 1924.
- ↑ van Bruinessen 2007, hlm. 234.
- ↑ ar-Rasuli 1954.
- ↑ Asnan 2003, hlm. 308.
- ↑ Shofa, Ida Kurnia; Chairinisa, Putri Evta (2022). "POLYGAMY IN MINANGKABAU TAFSIR: A COMPARATIVE STUDY OF THE THOUGHTS OF SULAIMAN AR-RASULI AND BUYA HAMKA". Kontemplasi: Jurnal Ilmu-Ilmu Ushuluddin (dalam bahasa Inggris). 10 (2): 349–368. doi:10.21274/kontem.v10i2.7249. ISSN 2580-6866.
- ↑ Departemen Agama RI 2008, hlm. 122.
Daftar Pustaka
[suntiang | suntiang sumber]- Asnan, Gusti (2003) (dalam bahaso ID). Kamus Sejarah Minangkabau. Padang: Pusat Pengkajian Islam dan Minangkabau. ISBN 9799740703.
- Chaniago, Hasril (2010). 101 Orang Minangkabau di Pentas Sejarah. Padang: Yayasan Cinta Budaya Indonesia. ISBN 978-979-3478-19-7.
- Departemen Agama Republik Indonesia (2008) (dalam bahaso ID). Direktori Tokoh Ulama Indonesia. Jakarta.
- Hamka (1982) (dalam bahaso ID). Ayahku. Jakarta: Umminida.
- Ilyas, Yusran (1995) (dalam bahaso ID). Syekh H. Sulaiman ar-Rasuli: Profil Ulama Pejuang. Padang: Sarana Grafika.
- Kementerian Penerangan Republik Indonesia (1953) (dalam bahaso id). Republik Indonesia: Propinsi Sumatera Tengah. Jakarta.
- Kementerian Penerangan Republik Indonesia (1954) (dalam bahaso id). Kepartaian dan Parlementaria Indonesia. Jakarta.
- Kosim, Muhammad (2013). "Tradisi Madrasah Tarbiyah Islamiyah di Sumatera Barat". at-Tarbiyah: Jurnal Pendidikan Islam UIN Imam Bonjol (dalam bahasa Indonesia). 4 (1): 21–45.
- Kosim, Muhammad (2015). "Syekh Sulaiman al-Rasuli, Tokoh Pendidikan Islam Bercorak Kultural". Turāst: Jurnal Penelitian & Pengabdian UIN Imam Bonjol (dalam bahasa Indonesia). 3 (1): 23–41.
- Koto, Alaidin (2012) (dalam bahaso id). Persatuan Tarbiyah Islamiyah: Sejarah, Paham Keagamaan, dan Pemikiran Politik 1945-1970. Jakarta: Rajawali Pers. ISBN 978-602-425-230-4.
- Latief, Mohammad Sanusi (1988) (dalam bahaso ID). Gerakan Kaum Tua di Minangkabau. Jakarta: IAIN Syarif Hidayatullah.
- Lembaga Pemilihan Umum (1972) (dalam bahaso id). Riwayat Hidup Anggota-Anggota Majelis Permusyawaratan Rakyat Hasil Pemilihan Umum 1971. Jakarta.
- ar-Rasuli, Sulaiman (1920) (dalam bahaso ID). Enam Risalah. Fort de Kock: Drukkerij Agam.
- ar-Rasuli, Sulaiman (1924) (dalam bahaso AR). Dawā’ al-Qulūb fī Qiṣṣah Yūsuf wa Ya‘qūb. Fort de Kock: Maṭba‘ah Islāmiyyah.
- ar-Rasuli, Sulaiman (1925) (dalam bahaso AR). Aqwāl al-Wāsiṭah fī aż-Żikr wa ar-Rābiṭah. Fort de Kock: Maṭba‘ah Islāmiyyah.
- ar-Rasuli, Sulaiman (1927) (dalam bahaso AR). al-Jawāhir al-Kalāmiyah fī Bayān ‘Aqā’id al-Īmāniyah. Fort de Kock: Maṭba‘ah Islāmiyyah.
- ar-Rasuli, Sulaiman (1933) (dalam bahaso AR). al-Aqwāl al-Marḍiyyah. Fort de Kock: Maṭba‘ah Islāmiyyah.
- ar-Rasuli, Sulaiman (1954). Tablīgh al-Amānāt fī Izalah al-Munkarāt wa asy-Syubuhāt. Bukittinggi: Nusantara.
- Rusli, Baharuddin (1978) (dalam bahaso ID). Ayah Kita. Bukittinggi.
- van Bruinessen, Martin (2007). "After the Days of Abu Qubays: Indonesian Transformations of the Naqshbandiyya-Khalidiyya". Journal of the History of Sufism (dalam bahasa Inggris). 5: 225–251.