Lokomotif uok
![](http://upload.wikimedia.org/wikipedia/commons/thumb/e/e1/Lokomotif_Uap.jpg/220px-Lokomotif_Uap.jpg)
Lokomotif uok adolah jenis lokomotif nan manggunokan tenaga mesin uap untuak manarik rangkaian kareta api. Lokomotif uok manggunokan bahan baka batu baro, kayu, atau minyak untuak manghasilkan uok dalam pandidiah. Uok iko kamudian manggerakkan piston nan sacaro mekanis tahubuang jo roda panggeraknyo. Baiak bahan baka atapun aia dipasok dalam lokomotif, baiak ditampuang pado lokomotif atau manggunokan tender di balakangnyo[1].
Lokomotif uok partamo kali dikambangkan di Britania Raya pado awal abad ka-19 jo digunokan dalam sistem parkaretaapian sampai patangahan abad ka-20. Richard Trevithick manciptakan lokomotif uok pado 1802. Lokomotif uok komersial tasukses dibuek pado tahun 1812–1813 dek John Blenkinsop,[2] Salamanca. Locomotion No. 1, nan dirakik dek George Stephenson, putranyo Robert, jo parusahaannyo Robert Stephenson and Company, marupokan lokomotif uok partamo nan mampu manarik kareta api panumpang di lintas kereta api umum, Stockton and Darlington Railway tahun 1825. Pado tahun 1830 George Stephenson mambuka jalur kereta api umum antarkota pertamanyo, Liverpool and Manchester Railway. Robert Stephenson and Company manjadi pembuek sakaligus pamasok lokomotif uok pado dasawarsa partamo zaman uok di Britania Raya, Amerika Serikat, jo banyak nagara di Eropa.
Pado abad ka-20, Kapalo Teknisi Mekanik London and North Eastern Railway (LNER) Nigel Gresley mandesain sajumlah lokomotif nan cukuik terkenal, sarupo Flying Scotsman, lokomotif uok partamo nan resmi mancatatkan kalajuan di ateh 100 mil per jam (160 km/h) untuak layanan panumpang, jo LNER Class A4, 4468 Mallard, nan masih manjadi lokomotif uok tacapek di dunia (126 mil per jam (203 km/h)).
Sajak awal 1900-an, lokomotif uok mulai digantikan dek lokomotif listrik jo diesel; sajak saat itu banyak jalur kereta api nan diubah manjadi tanago listrik jo diesel mulai akhir 1930-an. Kabanyakan lokomotif uok dipensiunkan dari layanan reguler sajak 1980-an, meski banyak di antaro mereka nan tetap manjalankan operasinyo sabagai panarik KA wisata jo daya tarik warisan sejarah.
Sijarah kereta api uok di Indonesia
[suntiang | suntiang sumber]Kareta api partamo di Indonesia tahun 1867
[suntiang | suntiang sumber]Kareta api partamo di Indonesia dibangun tahun 1867 di Semarang jo rute Samarang NIS–Tanggung nan bajarak 26 km, sabagai pamintaan Raja Willem I untuk kaparlauan militer di Semarang maupun hasil bumi ka Gudang Semarang. Kamudian dalam malayani kabutuhan akan pengiriman hasil bumi dari Indonesia, mako Pemerintah Kolonial Belanda sejak tahun 1876 alah mambangun babagai jaringan kereta api, dengan muaro pado pelabuhan Tanjung Priok Jakarta dan Tanjung Perak Surabaya.
Babagai lokomotif uok di Indonesia
[suntiang | suntiang sumber]![](http://upload.wikimedia.org/wikipedia/commons/thumb/f/fe/COLLECTIE_TROPENMUSEUM_Locomotief_van_de_Deli-Spoorweg_Maatschappij_met_personenrijtuigen_TMnr_60004413.jpg/300px-COLLECTIE_TROPENMUSEUM_Locomotief_van_de_Deli-Spoorweg_Maatschappij_met_personenrijtuigen_TMnr_60004413.jpg)
Di Indonesia lokomotif uok dibedakan manjadi babagai jiniah, antaro lain:
- Lokomotif Uok Tahun 1871: Seri B Gordon, Manchester
- Lokomotif Uok Tahun 1880: Seri C Manchester
- Lokomotif Uok Tahun 1899: Seri BB Hartmann
- Lokomotif Uok Tahun 1904: Seri CC Hartmann
- Lokomotif Uok Tahun 1916: Seri DD ALCO (yang terbesar di Indonesia, kelas 2-8-8-0)
- Lokomotif Uok Tahun 1951: Seri D 52 Krupp
Salain itu, di lintas pegunungan Jawa Tengah jo Sumatra Barat tadapek lokomotif uap khusus nan dioperasikan untuak mandaki tanjakan curam jalur bagarigi.
Foto lokomotif uok nan pernah ada di Indonesia tasebut di ateh (seri B, C, BB, CC, DD dan D), jo hal ini indak akan dapek lai diliek di museum maupun di depo lokomotif stasiun seluruh Indonesia, labiah lanjuik harap lihat di album:
Lokomotif uok paliang gadang di Indonesia: Seri DD 50, DD 51, dan DD 52
[suntiang | suntiang sumber]![](http://upload.wikimedia.org/wikipedia/commons/thumb/d/d6/SS_1260.jpg/220px-SS_1260.jpg)
Di Indonesia indak ado lokomotif super besar sarupo Big Boy, Challenger, atau Northern. Meskipun baitu, alah pernah dioperasikan lokomotif uok nan digaungkan paliang gadang di jaringan sepur sampik 1.067 mm (3 ft 6 in) di Indonesia. Lokomotif DD50, DD51, jo DD52 adaloh contoh lokomotif uok gadang nan pernah dijalankan di jaringan sepur sampik 1.067 mm (3 ft 6 in) di Indonesia.
Dapek dikatahui, bahwa parusahaan kereta api Staatsspoorwegen (SS) pernah mamasan jo mamiliki lokomotif gadang (bukan Super gadang sarupo nan ado di Amerika dengan Big Boy), karano SS mambutuhkan lokomotif dengan daya nan labiah kuek dari lokomotif nan alah ado maupun mampu babelok jo mulus pado tikungan nan tajam pado jalur pagunungan di Jawa Barat.
Kamudian SS mamesan kapada ALCO di Amerika pado tahun 1916 hinggo tahun 1923, barupo lokomotif tipe Mallet generasi katigo (DD 50), kaampek (DD 51) jo kalimo (DD 52) nan baoperasi di Indonesia. Katigo seri lokomotif uok tasabuik mamiliki susunan roda 2-8-8-0. Lokomotif DD50 mamiliki barek 133 ton, panjang 20737 mm jo mampu malaju hinggao kacepatan 40 km/jam. Lokomotif DD51 mamiliki daya barek 137 ton, panjang 20737 mm jo mampu malaju hinggo kacepatan 40 km/jam (Seri DD 50 atau DD 51 mirip Northern). Lokomotif DD52 mamiliki daya 1850 HP (horse power), barek 136 ton, panjang 20792 mm dan mampu malaju hinggo kacepatan 50 km/jam. Jo spesifikasi teknis nan sarupo itu, mako lokomotif DD50, DD51 jo DD52 marupokan lokomotif uok paliang gadang nan pernah baroperasi di Indonesia.
Pada tahun 1916, SS mamesan 8 unit lokomotif DD50 pabrik ALCO (American Locomotive Company, Amerika Serikat). Kamudian pado tahun 1919, SS kambali mamasan 12 unit lokomotif DD51 ka pabrik ALCO jo konstruksi nan samo jo lokomotif DD50 namun dengan design teknis nan labiah baik. Lokomotif DD50 jo DD51 mampu malaju hinggo kacepatan 40 km/jam. Pado tahun 1923, SS kambali mamasan 10 unit lokomotif DD52 jo konstruksi nan samo jo lokomotif DD50/DD51 namun dengan kacepatan maksimum nan labiah tinggi yoitu 50 km/jam. Namun pamasanan lokomotif DD52 iko indak dilayangkan kapado ALCO, malainkan kapado 3 (tiga) pabrik lokomotif di Eropa (Hanomag/Jerman, Hartmann/Jerman and Werkspoor/Belanda).
Kareta api pado rel bagigi di Sumatra Barat jo Ambarawa
[suntiang | suntiang sumber]![](http://upload.wikimedia.org/wikipedia/commons/thumb/9/98/COLLECTIE_TROPENMUSEUM_Tandrad_locomotief_in_Sumatra_TMnr_10020839.jpg/300px-COLLECTIE_TROPENMUSEUM_Tandrad_locomotief_in_Sumatra_TMnr_10020839.jpg)
Di Indonesia, lokomotif uok bagigi baoperasi di Sumatra Barat jo Ambarawa. Lokomotif bagigi yoitu lokomotif khusus nan diparuntuakkan untuak baroperasi malahap jalur rel gigi di daerah pagunungan jo kamiringan lintas rel sabanyak 6% (lintas kereta umumnyo hanya sampai 1% sajo).
Di Jawa Tengah, lokomotif jenis iko diagiah nomor seri B25 nan baoperasi untuak malahap tanjakan jo turunan curam. Pagunungan Telomoyo di Jalur kereta api Kedungjati–Secang segmen Jambu–Bedono–Gemawang. Sadangkan di Sumatra Barat Lokomotif uok bagarigi nan ado diberi nomor seri D18, dan E10. Samaso aktifnyo, Kadua Lokomotif tasabuik batugas mangangkuok Batu Baro dari Ombilin jo Sawahlunto manuju Pelabuhan Taluak Bayua nan juo malewati jalur bagarigi di petak Kayu Tanam–Padang Panjang–Batu Tabal nan malewati Pegunungan Bukit Barisan yang memiliki tingkek kacuraman 8 plersen.[1] Sebenarnya terdapat beberapa lokomotif bergigi lain yang dimiliki Staatsspoorwegen ter Sumatra's Westkust (SSS) sebagai operator perkeretaapian di Sumatra Barat saat itu hanya saja banyak yang tidak terdokumentasikan serta minimnya informasi. Diantara lokomotif bergigi tersebut, SSS juga tercatat pernah memiliki lokomotif bertipe B dengan susunan roda 0-4-0T, 0-4-2RT, 2-4-0RT, dan 0-4-0RT yang juga memiliki roda gigi.[3]
Kini lokomotif B25 jo E10 masih dioperasikan untuak kapentingan pariwisata di Sumatra Barat jo Ambarawa. Sadangkan untuak lokomotif D18 jo babarapo lokomotif bagarigi lainnyo milik SSS alah indak ado dek karano alah punah.
Bengke lokomotif uok di Madiun
[suntiang | suntiang sumber]Pado mulonya depo lokomotif uok ado di hampia saluruah stasiun di Indonesia, sarupo Tanah Abang (Jakarta), Banduang, Purwokerto, jo Kutoarjo. Sadangkan untuak bengkelnyo tadapek di Pengok (Yogyakarta), Madiun, jo Gubeng (Surabaya), tatapi sajak pamarintah mangimpor lokomotif diesel, mako Madiun alah ditetapkan manjadi bengke pusat lokomotif uok manggantikan bengke Pengok. Kini ko lokasi di Madiun dipakai untuak PT. Industri Kereta Api (PT. INKA).
Lokomotif uok tarakhir di Indonesia
[suntiang | suntiang sumber]Pado tahun 1950, Pamarintah RI malalui DKA (Djawatan Kereta Api) mangimpor lokomotif uok nan tarakhir yoitu seri D 52 dari pabrik Fried Krupp di Essen, Jerman sabanyak 100 buah jo sistem kopel 2-8-2. Lokomotif iko sangaik kuek (batanago 1600 HP) jo dipakai di barbagai kabutuhan untuak panumpang, barang maupun angkutan batu baro. Sasudah baroperasi sakitar 30 tahun (D 52), mako pangoperasian lokomotif uok berakhia sairiang jo adanyo era paralihan traksi uap manjadi traksi diesel. Lokomotif uok nan masih tasiso barado di Ambarawa.
Museum kareta api di Indonesia
[suntiang | suntiang sumber]Pado maso paralihan traksi uok manjadi traksi diesel, babarapo lokomotif uok alah dibawo ka Ambarawa jo Taman Mini untuak dilestarikan dalam bantuak museum kareta api. Bagi para panggemar kareta api uok dapek mancaliak di museum kareta api di seluruh dunia jo di Indonesia dapat dilihat di Taman Mini (DKI Jakarta), Museum Kereta Api Ambarawa (Jawa Tengah), atou Museum Kereta Api Sawahlunto (Sumatra Barat), Museum kereta api Bondowoso (Jawa Timur).
Caliak pulo
[suntiang | suntiang sumber]- Kereta api
- Lokomotif
- Stasiun kereta api
- Sejarah perkeretaapian di Indonesia
Rujuakan
[suntiang | suntiang sumber]- ↑ a b Prayogo, Yoga Bagus; Prabowo, Yohanes Sapto; Radityo, Diaz (2017). KERETA API DI INDONESIA Sejarah Lokomotif Uap (edisi ke-Cet.1). Yogyakarta: Jogja Bangkit Publisher. p. 47, 100, dan 105.
- ↑ "John Blenkinsop - English inventor".
- ↑ "Steam Lokomotif Roster, Page 2". kereta api.tripod.com. Diakses tanggal 2018-11-23.