Leonid Kravchuk
![](http://upload.wikimedia.org/wikipedia/commons/thumb/a/ac/Leonid_Kravchuk_%281%29.jpg/258px-Leonid_Kravchuk_%281%29.jpg)
I Leonid Makarovych Kravchuk dia mpanao pôlitika okrainiana sady filoha voalohan' i Okraina, niasa nanomboka tamin' ny 5 Desambra 1991 ka hatramin' ny 19 Jolay 1994. Tamin' ny taona 1992 dia nanao sonia ny Fifanarahana tao Lisboa izy, izay nanekeny ny hamoy ny fitaovam-piadiana noklearin' i Okraina. Izy koa dia filohan' ny Verkhovna Rada (Верховна Рада, "Filankevitra Faratampony": antenimiera okrainiana) sady Solombavambahoakan' i Okrainiana niasa tao amin' ny Antoko Sôsialy-Demôkratin' i Okraina (mitambatra) na Соцiал-демократична партія України (об'єднана) / Sotsial-demokratychna partiia Ukrainy (obiednana). Amin' ny teny okrainiana izy dia atao hoe Леонід Макарович Кравчук. Teraka tamin' ny 10 Janoary 1934 izy ary maty tamin' ny 10 May 2022.
Taorian' ny krizy pôlitika nahavoarohirohy ny filoha sy ny praiminisitra dia nametra-pialana i Kravchuk, saingy nirotsaka ho filoham-pirenena fanindroany tamin' ny taona 1994. Resin' ny praiminisitra teo aloha, Leonid Kuchma, izay filoha nandritra ny fe-potoana roa, izy. Taorian' ny naha filoha azy dia nitohy ny fanaovan' i Kravchuk pôlitika tamin' ny naha solombavambahoakan' i Okraina azy tao amin' ny Verkhovna Rada sady mpitarika ny vondrona parlemanteran' ny Antoko Sôsialy-Demôkratin' i Okraina (mitambatra) nanomboka tamin' ny taona 2002 ka hatramin' ny 2006.