Distosia

Ḍisṭosia oṭabâ arèmbi’ macet kadhâddhiyân bilâ uṭerus akonṭraksi normal, ṭapè bâjhi’ ghi’ ṭa’ kalowar ḍâri ṭongkèng bekṭo arèmbhi’ sabâb jhâlan kalowarra ehalangè. Komplikasi neng è bhâji’ iyâ arèya ṭa’ ollè oksigen sè cokop dhâddhi nyebâbaghi kamaṭèyan. Panèka maṭèngghi rèsiko bâbinè’ ngalamè infèksi, rupṭur uṭèri, oṭabâ penḍarahan bekṭo marèna arèmbhi’. Komplikasi ḍâlem bekto sè lanjhâng è bâbinè’ iyâ arèya fisṭula obsṭèṭri. arèmbhi’ maceṭ èsabâbaghi arèmbhi’ malanjhâng, bâkto fase arèmbhi’ akṭif lebbi ḍâri 12 jhâm.

Sabâb oṭama lahèran maceṭ iyâ arèya: bhâji’ rajhâ oṭabâ posisi bhâji’ abnormal, ṭongkèng copè’, bân masalah è jhâlân lahèran. Kennengngan sè ṭa’ normal iyâ arèya ḍisṭosia bhâu è ka’ḍimma bhâu anṭerio ṭa' bisa ghâmpang kalowar ḍâri bâbâ ṭolang kamaluwan. Panyabâb rèsiko ṭongkèng copè’ èngghi panèka kakorangan gizi bân korangnga paparan sonar maṭaarè nyabâbaghi kakorangan viṭamin Ḍ. Hal panèka lebbi oumum kadhaddhiyân sabâb tongkèng ṭa' ṭombhu samporna. Masalah jhâlân lahèr ṭamaso' farji’ bân perinèum copè’ kèrana polana bâbinè’ èsonnaṭ oṭabâ anḍi’ ṭumor. Parṭogram lako èghuna’aghi manṭau kamajhuwân arèmbhi’ bân aḍiagnosis masalah. Hal panèka èkombinasiaghi sareng pamarèksaan fisik kaangghuy ngennalè arèmbhi’ maceṭ.

Carana arèmbi’ maceṭ ngara parlo operasi sèsar oṭabâ èksṭraksi vakum kalabân kemungkinan operasi simfisis pubis. ṭènḍhâk laènna iyâ arèya: ajhâgâ sopajhâ èbhu ṭerhiḍrasi bân anṭibioṭik bilâ aèng kaṭobân leḍḍu’ lebbi ḍâri 18 jhâm. Neng Afrika bân Asia, alahèran maceṭ èpangaroè ḍuwâ’ bân lèma’ persen ḍâri kalahèran. È ṭaon 2015, rakèra 6,5 juṭa arèmbhi’ maceṭ oṭabâ rupṭur uṭèri. Hal panèka nyabbâbaghi 23,000 kamaṭèyan èbhu ṭoron ḍâri 29.000 kamaṭèyan è ṭaon 1990 (rakèra 8% ḍâri kakabbhinna kamaṭèyan sè ahubungan kalahèran). Hal panèka dhâddhi sala sèṭṭong sabâb oṭama arèmbhi’ matè. Kabânnya’an kamaṭèyan polana kabâḍâ’an rèya kaḍâḍḍhiyân è naghâra berkembâng.

Sabâb

Sabâb oṭama arèmbi’ maceṭ iyâ arèya: bhâji’ rajhâ oṭabâ bhâji’ bâḍâ è kennengan abnormal, ṭongkèng copè’ bân masala neng jhâlân rèmbi’. Kennengngan abnormal iyâ arèya ḍisṭosia bhâu kabâḍâ’ân bâu anṭèrior bisa ghâmpang kalowar ḍâri bâbâ ṭolang kamalowan. Bâb-sabâb rèsiko ṭongkèng copè’, kaḍhiyâ kakorangan gizi bân korangnga paparan sonar maṭaarè nyabâbaghi kakorangan viṭamin Ḍ. Masalah jhâlân arèmbhi’ ṭamaso' farji’ bân pèrinèum copè’ sè kèrana èsabâbaghi bâbine’ sè  èsonnaṭ oṭabâ anḍi’ ṭumor.

Ḍiagnosis

Arèmbi’ maceṭ bisa èpaṭegges sareng ḍiagnosis adhâsaraghi pamarèksaan fisik.

Ṭaṭa cara

Ṭaṭa cara lahèran maceṭ iyâ arèya operasi sèsar oṭabâ èksṭraksi vakum operasi simfisis pubis. Ṭènḍhak sè laèn ṭamasok: ajhâgâ hiḍrasi èbhu bân anṭibioṭik bilâ kaṭobân marè leddhu’ lebbi ḍâri 18 jhâm.

Prognosis

Bilâ operasi sèsar èlakonè è bâkto sè teppa’, prognosis dhâddhi lebbi saè. Ḍisṭosia ḍâlem bâkṭo sè lanjhâng bisa nyabâbaghi bhâji’ èparèmbhi’ maṭè, fisṭula obsṭeṭrik, bân kamaṭèyan èbhu.

Èpiḍemiologi

È ṭaon 2013, bâḍâ 19.000 kamaṭèyan èbhu ḍâri 29.000 kamaṭèyan è ṭaon 1990.

Èṭimologi

Oca’ ḍisṭosia arṭèna arèmbi’ malaraṭ. Antonimma iyâ arèya èutocia otabâ arèmbi’ gâmpang.

Oca’ laènna kangghuy arèmbi’ maceṭ akadhiyâ: arembi’ malaraṭ, arèmbi’ abnormal, arèmbi’ malaraṭ, bân arèmbi’ ḍisfungsional.

Kèbân laèn

Oca’ rèya bisa kèya èghuna’aghi è konteks macemma kèbân. Ḍistosia sè anḍi’ hubungan moso mano’-mano’ bân rèpṭil èsebbhuṭ kèya egg binḍing.

Sabâgiyân kârna pembiyaghân sèlekṭif se lowas, jhârân ngalamè ḍisṭosia lebbi segghut ḍâri pembiyaghân laènna.

• Bhânṭowan kaanghuy arèmbi’: ḍistosia jhârân. Oladhi posisi cètak.
• Distosia jhârân. Oladhi posisi cètak.