Stampa (Bregaja)
Câa
![](http://upload.wikimedia.org/wikipedia/commons/thumb/8/8b/Stampa_Br%C3%BCcke.jpg/220px-Stampa_Br%C3%BCcke.jpg)
La Stampa (parnonzia local: ['ʃtampa][1]; inscì anca in italian, todesch e romancc) l'è ona frazion del comun de Bregaja, in di Grison.
El paes, insemma a Visavran, l'è vun di duu che se troeuven in de la banda pussee volta de la vall (italian: Sopraporta). Compagn de quasi tucc i alter frazion pussee important del comun, anca Stampa l'è straversada de la Mera.
L'è stada on comun independent fina al 2010. El sò vegg territori comunal el quattava dent ona zona a nord de Bond e Soeuj, e poeu on'altra a nord de Visavran. In del territori de Stampa se troeuva el Pizz Longhin e 'l nass l'Inn: donca Stampa la se spantega per on ciccinin anca in Engadina.
In tra i sò vari frazion a cuntom Isola, Casascia, Coltura e Maloeuggia.