Re
Quel articul chì l'è scrivüü in Lumbard, cun l'urtugrafia insübrica ünificada. |
![](http://upload.wikimedia.org/wikipedia/commons/thumb/2/28/Sceptre_and_Orb_and_Imperial_Crown_of_Austria.jpg/220px-Sceptre_and_Orb_and_Imperial_Crown_of_Austria.jpg)
Re (dal latin: rex, ma etimulugicament reculegabil al sanscrit raja) l'è la parola druvada in lumbard e olter lenguv rumanz (presempi al talian e al furlan) per indicà un titul nubiliar del suvran mas'c. Al curispundent feminil l'è regina, anca se in certi cas ben rar gh'è staa di donn che i henn staa curunaa cun al titul de re, cume presempi Edviga de la Pulonia. Olter derivaa del latin rex i henn druvaa int olter lenguv rumanz: (franzes: roi, spagnöl: rey, purtughes, catalan e ucitan: rei).
Int la gerarchia di titul nubiliar, in certi cas quel de re al pö vess suta dumà a quel d'imperadur, e di völt anca so suburdinaa. Tant munarchij de l'Europa i gh'han la so urigen int l'investidüra da part de l'imperadur int al periud de l'età de mezz, anca se de suvent l'era dumà di furmalità.