Railjet
![](http://upload.wikimedia.org/wikipedia/commons/thumb/6/6d/Railjet_logo.svg/220px-Railjet_logo.svg.png)
El Railjet a l'è on treno a alta velocità de l'Austria e de la Cechia, gestii de ÖBB e di České Dráhý. L'è faa cont di composizion Siemens fondaa in su la locomotiva EuroSprinter e 'l serviss cont la ÖBB l'Austria, la Germania, la Cechia, la Svizzera, l'Ongheria e l'Italia, inveci quell cecch el conliga Praga a Brno e a Vienna.
Storia
[Modifega | modifica 'l sorgent]Inveci de on elettrotreno, 'me el Shinkansen o l'AGV, i ÖBB han preferii di composizion classich, per podè doperà i sò locomotiv EuroSprinter. In del 2006 la Siemens a l'è scernuda per fà su 23 treni de 7 element de doperà con quella locomotiva a alta velocità finna a 230 km/h e in del 2007 n'orden alter 44.
In del settember 2011 i ČD ordinen 16 Railjet, ma in del 2012 deciden de refudà e de crompànn domà 7. In del 2014 la ÖBB la crompa alter 9 Railjet de doperà in su la Westbahn e in Italia.
Rotabil
[Modifega | modifica 'l sorgent]I Railjet a hinn faa de 'na locomotiva EuroSprinter e de sett carrozz cobbiaa permanentement, a soa voeulta cobbiabil in du treni. La darrera carrozza a l'è 'na carrozza semipilota.
Lign
[Modifega | modifica 'l sorgent]![](http://upload.wikimedia.org/wikipedia/commons/thumb/f/f9/Karte_Railjet-Strecken.png/220px-Karte_Railjet-Strecken.png)
El servizzi Railjet el corr in su 'sti lign:
- (Budapest o Aeroport Internazional de Vienna -) Vienna - Linz - Salisburgh - Monegh (- Augsburg - Stoccarda - Francofort)
- (Aeroport Internazional de Vienna -) Vienna - Linz - Salisburgh - Innsbruck (- Bregenz o Zurigh)
- Vienna - Klagenfurt - Villach (- Linz o Udin - Venezia)
- Praga - Brno - Vienna - Graz
Di voeult i treni viaggen cobbiaa per di tratt: Per esempi on treno da Budapst a Francofort el pò vess cobbiaa a on treno de l'Aeroport de Vienna a Innsbruck, per garantì on treno dobbi de la stazion de Vienna a Salisburgh, in la tratta pussee importanta.
Galleria di foto
[Modifega | modifica 'l sorgent]-
Railjet cecch a Vienna
-
Railjet cont carrozz austriegh e locomotiva ceca
-
Railjet cecch a Vienna
-
Railjet austriegh
-
Railjet austriegh
-
Semipilota austriega
-
Carrozza austriega
-
Semipilota ceca