Molibdeno
Chest artícol a l'è scricc in Lumbàrt, ortograféa orientàl unificàda. |
![](http://upload.wikimedia.org/wikipedia/commons/thumb/3/32/Molybdenum_crystaline_fragment_and_1cm3_cube.jpg/250px-Molybdenum_crystaline_fragment_and_1cm3_cube.jpg)
El molibdéno l'è 'n elemènt chìmich enserìt endèla tàola periòdica dei elemèncc col sìmbol Mo. El g'ha nömer atòmich 42, che völ dì che 'l nùcleo de 'n àtom de molibdeno el g'ha 42 prutù. El sò nòm el l'ha ciapàt del gréco "molybdos" che völ dé "che se 'nsomèa al piomp".
L'è 'n metàl de tranzisiù de culùr biànch arzentàt. L'è 'n metàl dür fés e 'ntra töcc i elemèncc l'è 'ntra chèi che g'ha 'l pónt de fuziù (2896 K) e de bói (4912 K) piö alcc. L'è dopràt endèle léghe metàliche en quantità pesène come per ezèmpe endel aciàio per fà che 'l deènte amò piö dür o che 'l rezìste a temperadüre amò piö àlte.
El molibdeno el g'ha 'mportànsa apò per el nütrimènt de le piànte e 'ndèi sistémi biològich el compàr en sèrte enzìm, compàgn de la xantina osidazi.