Ein skulptur som berre viser hovudet og litt av skuldrene, blir òg kalla ein byste. Denne bysten framstiller språkforskar Ivar Aasen. Han er støypt i bronse. Skulpturen er eit portrett av Aasen, som blei laga av bilethoggaren Augusta Finne i 1896.
Portrett er å vise fram ein person i eit kunstverk. I eit portrett er personen som blir vist fram det viktigaste. Eit portrett kan vere for eksempel eit måleri, eit fotografi eller ein skulptur.
Når ein person blir intervjua om seg sjølv, heiter det portrettintervju. Det kan for eksempel gjerast på video, podkast eller som tekst. Ein kan òg lage portrett som dokumentarfilm eller som bøker, då blir det ofte kalla biografi.
Eit portrett skal vise ein person. Som oftast vil kunstnaren seie litt meir med kunstverket, enn berre korleis personen ser ut. Kunstnaren kan prøve å seie noko om korleis personen er, kva hen er kjend for eller driv med.
Kunstneren kan overdrive nokre trekk hos personen. Det kan for eksempel vere auga, nasen eller måten personen står på. Når kunstnaren overdriv så mykje at det blir komisk, blir portrettet kalla ein karikatur.
Når nokon lagar eit portrett av seg sjølv, heiter det sjølvportrett.
