Atti di Apòstoli
ZE
|
Quésta pàgina a l'é scrîta in léngoa zenéize
![]() A Grafîa adeuviâ a l'é quélla de l'Académia Ligùstica do Brénno |
![](http://upload.wikimedia.org/wikipedia/commons/thumb/4/48/%D0%94%D0%B5%D1%8F%D0%BD%D0%B8%D1%8F_%D0%90%D0%BF%D0%BE%D1%81%D1%82%D0%BE%D0%BB%D0%BE%D0%B2.jpg/220px-%D0%94%D0%B5%D1%8F%D0%BD%D0%B8%D1%8F_%D0%90%D0%BF%D0%BE%D1%81%D1%82%D0%BE%D0%BB%D0%BE%D0%B2.jpg)
I Àtti di Apòstoli (in grego: Πράξεις τῶν Ἀποστόλων, Práxeis tôn Apostólōn; in latin: Actūs Apostolōrum) o l'é 'n tèsto contegnûo into Nêuvo Testaménto, scrîto in léngoa grêga.
A sò redaçión definitîva a l'é con tùtta probabilitæ di ànni fra l'80 e o 90 dòppo Crìsto. A tradiçión crestiànn-a a l'atriboìsce a-o Lùcco, stòrico, aotô do tèrso Evangêio e colaboratô do San Pòulo. E o Lùcco o-o dédica a quéllo Teòfilo a-o quæ l'é za destinòu o sò Evangêio.
O tèsto di Àtti o l'é conpòsto de 28 capìtoli e o conta a stöia da comunitæ crestiànn-a da l'Ascensción do Gexù (1,6-11) scìnn-a l'arîvo do Pòulo a Rómma (26, 16), e o crêuve 'n perìodo de ténpo ch'o va ciù ò mêno da l'ànno 30 a-o 63 d.C. Óltre che in San Pòulo, l'òpera a se sofèrma asæ spésso in sce l'òpera de l'apòstolo San Pêo ascì.
O lìbbro o descrîve o spedîo svilùppo, l'espansción e l'òrganizaçión da comunitæ crestiànn-a, dónde a testimoniànsa da vìtta do Gexù a vêgne trasmìssa prìmma fra i Ebrêi e dòppo a-i òmmi d'ògni naçión.
A tradiçión da Gêxa antîga a l'é concòrde inte l'atriboî a-o Lùcco ségge l'Evangêio segóndo o Lùcco che I Àtti.
O Lùcco o saiéiva alôa da inténdise cómme o mêgo çitòu ciù vòtte inte létere do Pòulo.[1]
L'atribuçión di Àtti a-o Lùcco a trêuva riscóntro ascì inti indìççi contegnûi inte l'òpera: són scignificatîvi, in particolâ, dötréi pasàggi scrîti inta prìmma persónn-a plurâle, che són probabilménte apónti pigiæ da l'aotô intànto ch'o l'aconpagnâva o Pòulo.
Nòtte
[modìfica | modìfica wikitèsto]- ↑ Létera a-i Coloséixi, 4,4; Létera a-o Filemón, 24,2; Segónda létera a-o Timòteo, 4,11.
Colegaménti esterni
[modìfica | modìfica wikitèsto]Wikimedia Commons a contêgne di files in sce Atti di Apòstoli
Contròllo de outoritæ | GND (DE) 4129470-1 · BNF (FR) cb12008326w (data) · BAV (EN, IT) 492/7661 |
---|