Valkeswaerd

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ligking vaan Valkeswaerd in Noord-Braobant

Valkeswaerd (officieel Nederlands: Valkenswaard) is e versteidelek dörp en 'n gemeinte in 't zuidooste vaan de Nederlandse provincie Noord-Braobant, tege de grens mèt Belsj Limburg, ten zuie vaan Eindhove. Op 31 mei 2009 had de gemeinte 30.776 inwoeners 't oppervlak bedräög 56,50 km² (daovaan 1,15 km² water). Neve Valkeswaerd heet de gemeinte nog de kerne Borkel en Schaft en Dómmele (Dommelen).

Functies

De industrie in Valkeswaerd is allaank op zie retour. 'ne Veurnaomen industriële werkgever is de Dommelsche beerbrouwerij, oonderdeil vaan Interbrew. Es forenzeplaots veur Eindhove is Valkeswaerd allewijl belaangrieker.

Historie

Valkeswaerd huurde oets bij Waalre, de aw naom is daan ouch Wederle. In vreuger tije sprak me vaan Verkesweerd, umtot in 't dörp 'n groete verkesmert waor. Wie later dit dörp väöl valkeneers veurtbrach en dao-um bekind góng stoon veranderde de naom in Valkesweerd.

Op 1 mei 1934 woorte de gemeintes Borkel en Schaft en Dómmele aon Valkeswaerd tougevoog.

Gebore in Valkeswaerd

• Pieter van Geel, politicus (CDA)
• Jan Tops, springrijer
• Dominique van Hulst ("Do"), zengeres