Telescoop
Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.
![](http://upload.wikimedia.org/wikipedia/commons/thumb/6/68/Maksutov.jpg/220px-Maksutov.jpg)
'nen Telescoop is 'n instrumènt det hölp bie 't observere van wiedaafgelaenge objekte door lektromagnetische straoling (wie zichbaar leech) te vergaore. De awds-bekandjste praktische telescope woort oetgevónje in Nederlandj ane begin van de zevetièndjen ièw en gebroekdje glazere lenze. Ze woorte zowaal gebroek in toepassinge op de aerd es in de astronomie.
Binne inkel decennia woort de spegeltelescoop oetgevónje, dae spegele gebroekdje. In d'n twintjigsten ièw woorte versjillige nuuj saorte aan telescope oetgevónje, worónger de radiotelescoop inne jaore dertig ennen infraroadtelescoop inne jaore sèstig. 't Waord "telescoop" verwies huuj d'n daag den ouch nao väöl versjillige instrumente die versjillendje regione van 't lektromagnetisch spectrum waornumme, en sómtieds zelfs anger spectra.