Steely Dan
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Steely Dan is 'nen Amerikaanse jazz-rockband. De wichtigste leje zeen Donald Fagen en Walter Becker. De jaore sevetig woor d'n tied wienee det d'n band 't populairs woor en woorin ze zeuve albums oetbrachte woróp ze elemente oete jazz, rock, funk, R&B en pop haoldje. Häör bekèndjste nummers zeen "Do it again", "Reelin' in the years", "Rikki don't lose that number", "Haitian Divorce" en "Kid Charlemagne".
De meziek vanne groep wuuertj gekènmèrk door kómplekse dore jazz beïnvleudje structuren en hermenieë. Becker en Fagen hadden 'n aantal óp versjèllendje albums trögkkómmendje (studio)muzikantje wie Larry Carlton, Denny Dias, Bernard Purdie en Jeff Baxter. De tekste van Steely Dan bevatte döks väöl sarcasme en de thema's d'rvan variëre van drugs toet criminaliteit en leefdjesproblematiek. Becker en Fagon staon bekèndj óm häör, óngerhandj obsessief te neume, perfectionisme tiedes opnaamsessies inne studio; ze höbbe ze gewèrk mit mèndestes 42 versjèllendje sessiemuzikantje en èllef geluudstechnici bie 't opnömme van 't album Gaucho, det e gans jaor doerdje. 't Album bevatj slechs zeve leedjes.
Gesjiedenis
[bewirk | brón bewèrke]De gesjiedenis vanne band is te verdeilen in drie periodes. De ieëste periode is die van 'n conventioneel popgroep die deej toeren en platen opnoom (van 1972 toet en mit 1974), bestäöndje oet ónger angere Walter Becker en Donald Fagen. Inne dao-op volgendje periode, die doerdje toet 1980, besting Steely Dan oetsloetendj oet Becker en Fagen en nome ze allein platen op inne studio mit behölp van sessiemuzikantje wo-ónger Michael McDonald en Jeff Porcaro (bekindj van Toto). De band waas mit name populair inne Vereinigdje Staote wo ze door meziekcritici vergeleke woorte mit ónger angere The Beatles. Begin jaore '80 ging de band oeterein, mer inne jaore '90 kome Becker en Fagen weer biejein. Ze begóste weer regelmaotig op te traejen en höbbe versjillige live- en studioalbums oetgebrach.
Meziek en tekste
[bewirk | brón bewèrke]Steely Dan haw inne jaore '70 zie huuegdjepuntj. Ze brachte zes albums oet wo-op ónger angere invlood vanoete jazz, rock-'n-roll, country, funk, rhythm-and-blues en pop te huuere zeen. De meziek bevatj complekse, dore jazz beïnvleudje structuren en hermenieje en döks weurt gezag det de meziek op 't ieëste gehuuer "gepolies" klink.
Mit name de tekste van Steely Dan höbben 'n zeker cultstatus gekrege. Becker en Fagen doon zelf in interviews döks mysterieus euver häör teksten en det haet d'rtoe geleidj det väöl luuj häör eige interpretaties ane tekste gegaoven höbbe. Ouch guuef 't de Steely Dan Dictionary, wo me neuchter verklaoringe kintj opzeuke veur bepaoldje wäörd of zinsdeiler.
Albums
[bewirk | brón bewèrke]- 1972: Can't Buy a Thrill
- 1973: Countdown to Ecstasy
- 1974: Pretzel Logic
- 1975: Katy Lied
- 1976: The Royal Scam
- 1977: Aja
- 1980: Gaucho
- 2000: Two Against Nature
- 2003: Everything Must Go