Sókkerfies
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
![](http://upload.wikimedia.org/wikipedia/commons/thumb/a/a0/Eid_al-Fitr_prayer%2C_Suleymaniye_Mosque%2C_Istanbul_-_Aug_30%2C_2011.jpg/220px-Eid_al-Fitr_prayer%2C_Suleymaniye_Mosque%2C_Istanbul_-_Aug_30%2C_2011.jpg)
't Sókkerfies (Arabisch: عيد الفطر ʿīdu l-fiṭr of īd al-fiṭr) is 'n islamitisch fies. 't Weurt geveerd op d'n ierste sjawwal, te beginne op de veuraovend. Umtot d'n islamitische kalender 'ne maonkalender is, kin d'n daag in alle sezoene valle; 't kin ouch twie sókkerfieste in ei Gregoriaans jaor geve. 't Sókkerfies is eine vaan mer twie officieel islamitische fiesdaag; d'n aandere is 't offerfies (ʿīdu l-ʾaḍḥā).
Moslims vere mèt 't sókkerfies d'n aofloup vaan de vastemaond ramadan. Me kump iers biejein veur de salat (gebed), en wel ein die speciaol veur 't sókkerfies weurt opgezag (wat veur eint versjèlt per struiming). Tenao weurt 't fies toes mèt (väöl) femilie en vrun geveerd. Umtot me 'ne maond euverdaag heet mote vaste, èt me dèks väöl zeutegheid; daovaandan de Limbörgse naom.
't Sókkerfies is in väöl len 'nen officiële fiesdaag, soms zelfs in len boe mer 'n minderheid islamitisch is. In Nederland en 't Belsj is dat neet 't geval, meh dèks geve wèrkgevers hun wèrkers daan wel vrij es ze dat wèlle.
Dit artikel is e sjtumpke. De kans Wikipedia helpe door 't aan te völle