Petón
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
![](http://upload.wikimedia.org/wikipedia/commons/thumb/0/02/Metre-cube-beton-p1040192.jpg/220px-Metre-cube-beton-p1040192.jpg)
Petón, betón of betong is e mingsel van druueg bestandjsdeiler wie gruus (wie grindj), zandj en cement, det me aanmaak mit water. Hiedoor óntsteit 'n vleujbaar massa die gemekkelik inne gewunsdje vorm kan waere gebrach. Es 'n hydraulisch bindjmiddel reageertj cement sjemisch mit water enne anger vaste bestandjsdeiler en vörmp 't oetènjelik 'n solide samekóms worin alle oetgangsmatterjale waere samegebónje toet 'n hel, doerzaam, steinechtig matterjaal det veural wuuertj gebroek inne boew.
Petón worin me iezere staven haet verwirk neump me gewaopendj petón. Wen dees metaalbewäöpening geit róste en daodoor 't petón duit berste, den sprèk me euver petónrot.
Óngewaopendj petón woor al bekandj bieje aaj Egyptenieëre, Grieke, Babyloniërs, Feniciërs enne Romeine. Die litste broekdjen 't ónger anger bieje boew van häör brögken en aquaducte.