Ozzy Osbourne
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
![](http://upload.wikimedia.org/wikipedia/commons/thumb/3/39/Ozzy_Osbourne-2010.jpg/220px-Ozzy_Osbourne-2010.jpg)
John Michael "Ozzy" Osbourne (gebaoren op 3 dieëtsember 1948) is 'nen Ingelse zenger en leedjessjriever, veural oet 't genre vanne heavy metal. Osbourne waerde bekindj es de leadzenger vanne Ingelse band Black Sabbath, wovan de duusteren, helle klank biedroog aan 't toetstandjkómme van 't heavy-metalgenre. Hiedoor kreeg Osbourne de bienaam Prince of Darkness "Prins vannen Duustere". Nao Black Sabbath haw d'r nag 'n succesvol solo-kerjaer.
Osbourne trouwdje mit ziene manager Sharon Arden in 1982; same krege zie drie kinjer: Aimee (1983), Kelly (1984) en Jack (1985).
In 2002 kreeg Osbourne zien eige realitypergram oppen tillevies, same mit zien femielje, The Osbournes.
Osbourne haet väöl aandach inne media gekrege, mit naam door zien drank- en drugsgebroek. In 1982 beet t'r de kop van 'n vlaermoes aaf tiejes ei van zien optraejes.