Oas-Afrika
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
![](http://upload.wikimedia.org/wikipedia/commons/thumb/6/64/Map_of_Countries_in_East_Africa.svg/220px-Map_of_Countries_in_East_Africa.svg.png)
Oas-Afrika of Oastelik Afrika ies 'n regio binne 't kontinent Afrika. 't Geuf, wie dat meistes 't geval ies veur geografische benaminge, versjille definities veur wat Oas-Afrika exak ies. De volgende leng die hie diekgedrök sjtoon mèt e sjterreke (*) debie weure in bienao alle definities van de geografische indeiling van Afrika mètgetèld es Oas-Afrikaans: 't geit hie dan um de leng die bie de Hoorn van Afrika en de Oas-Afrikaanse Gemeinsjap huère.
Leng die neet diekgedrök zin, zonger sjterreke (*), huère daoneve nog bie de breier definitie van Oas-Afrika, die onger angere door de Vereinegde Naties en de Amerikaanse regering weure gehanteerd. Hie geit 't dan, neve de Hoorn van Afrika en de Oas-Afrikaanse Gemeinsjap, ouch um de Nielvallei, de Eileng van de Indische Oceaan en Zuudoas-Afrika.
Historisch gezeen weurt Oas-Afrika gekenmerk door häör sjterk Europees-koloniaal verleie mèt de Britte, Duutsjers en Portugeze (en in minger mate ouch de Sjpanjole, Portegeze, Italiane en Franse). Wes-Afrika weurt zjuus miè getypeerd door häör dominant Frans-koloniaal verleie. Dit ies nog altied huèrbaar in de twiè regio's. Wiel me in 't Weste nog veural wiet kin komme mèt de Franse taal, ies dat in Oas-Afrika ingewikkelder en liegk de neiging allewiel ummer miè nao 't kalle van Ingelsj.
- Burundi*
- Comore
- Djibouti*
- Ethiopië*
- Eritrea*
- Franse Zuujelikke Gebeeje (Frankriek)
- Kenia*
- Madagaskar
- Malawi
- Mauritius
- Mayotte (Frankriek)
- Mozambique
- Oeganda*
- Réunion (Frankriek)
- Rwanda*
- Seychelle
- Soedan
- Somaliland*
- Somalië*
- Tanzanië*
- Zambia
- Zimbabwe
- Zuud-Soedan
Leng mèt e sjterreke (*) weure altied mètgetèld es Oas-Afrikaans. Anger leng dieks ouch neet; dat hink aaf van de geografische definitie.