Nicosia (distrik)
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
![](http://upload.wikimedia.org/wikipedia/commons/thumb/f/f1/Cyprus-Nicosia.png/100px-Cyprus-Nicosia.png)
![](http://upload.wikimedia.org/wikipedia/commons/thumb/f/f0/KKTC_Lefko%C5%9Fa_ili.png/100px-KKTC_Lefko%C5%9Fa_ili.png)
![](http://upload.wikimedia.org/wikipedia/commons/thumb/3/39/KKTC_G%C3%BCzelyurt_ili.png/100px-KKTC_G%C3%BCzelyurt_ili.png)
![](http://upload.wikimedia.org/wikipedia/commons/thumb/5/59/Cyprus-Nicosia-South.png/100px-Cyprus-Nicosia-South.png)
Nicosia (Nuigrieks: Λευκωσία, Lefkosia, Törks: Lefkoşa, spreek oet: Lefkosja) is 't bekinste en groetste distrik vaan Cyprus, dat veural bekind steit um ziene hoofplaots en zjus de hoofstad vaan Cyprus: Nicosia. Dweers door 't distrik vaan Nicosia geit 't laank meh raank stök VN-gebeed, dat Zuid- vaan Noord-Cyprus sjeit: 't gebeed dat allein door ziechzelf en Törkije es 'n oonaofhenkel laand weurt gezeen, evels door de EU en de res vaan de Eerd es "door Törkije bezat Cyprus" gezeen weurdet. Op klein stökskes in twie aandere verdeilde distrikte nao, löp de grens gaans door Nicosia en gief 't 'ne moer dweers door de stad. Dee is evels op sommege plaotse in 't distrik sins e paar jaor verbroke, zoetot de Cypriote (noorde en zuie) obbenuits mèt mekaar kinne marchandere en kommenicere. Ouchal gief 't 'ne moer, 'n VN-gebeed en 'n euverdudelek door Törkstaolege Cypriote bewoend noorde, weurt dit evels door de Zuid-Cypriote nog ummertouw neet erkind. In 't Zuid-Cypriotisch gedeilte vaan 't distrik gief 't veural beisteij die ziech riechte en verboonde zien mèt de hoofstad. In 't Noord-Cypriotische gedeilte vilt de versteijeleking evels hendeg mèt. Dao gief 't wel nog 'n, veur Cyprus rilletieve, aander groete stad: Güzelyurt. Neve de hoofplaots gief 't ouch 'n aander groet toeristisch attractie in 't distrik: Koruçam Burnu. 't Mies noordwestelek puntsje vaan Cyprus.
![]() ![]() |
|
---|---|
Distrikte: Famagusta · Girne · Larnaka · Limasol · Nicosia · Pafou |