Molecuul
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
![](http://upload.wikimedia.org/wikipedia/commons/thumb/b/bc/Alpha-D-Glucose4.svg/220px-Alpha-D-Glucose4.svg.png)
E molecuul is 't kleinste deilke van 'n moleculair stof det nag de sjemische eigesjappe van die stof bezitj. Wen e molecuul opgedeildj zów waeren in nag kleinder deilkes zówwe die sjemische eigesjappe verangere.
E molecuul is opgeboedj oet atoeame die in 'n vaste rangsjikking van sjemische binjinge mitein verbónje zeen. 'n Sjemische stof is gediffenieerdj dore atome woroet 't molecuul besteitj enne óngerling sjemische verbinjing die tösse de atoeame bestaon.
De massa van e molecuul, of molecuulmassa, is geliek ane gezamelike massa vanne atoeame woroet 't molecuul besteitj. De molecuulmassa wuuertj oetgedrök in atomair massa-einheje (waergegaoven es u (unit)). Oetgedrök in kilogram is det:
- 1 u ≈ 1,6605402 × 10-27 kg.
De aafmaetinge van molecule ligken inne orde van nanomaeters (1 nm = 1 × 10-9 m, eine miljoenste millimaeter).
't Waord molecuul is aafgeleidj van 't Letiense molecula ("klein massa").
Fysische deilkes | |
---|---|
Atomair deilkes: | Molecuul ∙ Atoom ∙ Ion |
Subatomair deilkes: | Nucleon ∙ Atoomkaer |
Bosone: | Foton ∙ Gluon ∙ W-boson ∙ Z-boson ∙ Higgsboson ∙ Graviton ∙ Kaön ∙ Pion ∙ Meson |
Fermione: | Quark ∙ Lepton ∙ Neutrino ∙ Elektron ∙ Positron ∙ Muon ∙ Tau ∙ Proton ∙ Neutron ∙ Baryon |