Lenin
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
![](http://upload.wikimedia.org/wikipedia/commons/thumb/1/17/Vladimir_Lenin.jpg/220px-Vladimir_Lenin.jpg)
Vladimir Il'ič Lenin [1] (Rössisch: Владимир Ильич Ленин, rivveluusjenaere sjoelnaam van Vladimir Il'ič Ul'ânov [2], Rössisch: Владимир Ильич Ульянов) (Simbirsk (allewiel Oeljanovsk), 22 april (O.S. 10 april) 1870 – Gorki (oblas Moskou), 21 jannewarie 1924) waas 'ne Rössische rivveluusjenaer, d'n ieëste leier (premier) vanne Sovjet-Unie en de Communistische Partie vanne Sovjet-Unie enne naamgaever van 't leninisme.
De naam "Lenin" waas ei van zien pseudonieme. Hae zów deze naam höbben aangenómme esse stèllingnaam taenge Georgi Plechanov, dae 't pseudoniem "Volgin" gebroekdje, nao de reveer de Volga. Oeljanov koos de reveer de Lena veur zien pseudoniem, vanwaenge de parallel die kan waere getróch tösse dees reveren enne politische meininge vanne bei opponente (de Lena struimp taengestèldj ane Volga en boetedet haet dae 'n grótter lingdje). Mieë theorieje bestaon aevel euveren oearsprónk van 't pseudoniem Lenin, wodoor 't ónzieëkert is wo 't pseudoniem daodwirkelik vanaaf kump.