Leipzig
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
![](http://upload.wikimedia.org/wikipedia/commons/thumb/7/79/Leipzig_Markt_Grimmaische_Strasse.jpg/220px-Leipzig_Markt_Grimmaische_Strasse.jpg)
Leipzig is 'n stad in Duutsjlandj en haet mieër es e half miljoen inwoeaners. 't Is qua bevölkingsaantaal en oppervlakdje de op ein nao grótste stad van Sakse.
In 't jaor 1165 kreeg Leipzig vanne Markgraof Otto de Rieke van Meißen stadsrech en 't privileesj óm mert te haje. 't Inwoeanersaantaal van Leipzig haet in 1870 de 100.000 gepasseerdj, wodoor 't officieel de staot van 'n Großstadt kreeg. Op 't huuegdjepuntj (róndje Twieëdje Werreldkrieg) haw de stad zoea 750.000 inwoeaners. Allewiel haet Leipzig de staot van 't kreisvriej stad en is 't de zetel van 't Regierungsbezirk Leipzig.
De traditie van Leipzig es 'n beteikenisvól hanjelsplaats in Midden-Europa geitj trögk op 't jaor 1190. Naeve Frankfurt am Main is de stad 'n historisch centrum veur bookdrökkerie en bookhanjel. Boetedet steitj in Leipzig ein vanne aadste universiteite van Duutsjlandj, naeve versjillige hoeage sjoealen en vakwirksjoeale.