Kaap de Gooj Haop
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
![](http://upload.wikimedia.org/wikipedia/commons/thumb/1/1d/Satellite_image_of_Cape_peninsula.jpg/220px-Satellite_image_of_Cape_peninsula.jpg)
![](http://upload.wikimedia.org/wikipedia/commons/thumb/9/96/Cape_of_Good_Hope_from_Cape_Point.jpg/220px-Cape_of_Good_Hope_from_Cape_Point.jpg)
Kaap de Gooj Haop ligk bie Kaapstad in Zuud-Afrika en bevindj zich op 't zujelik puntj van 't Kaaps Sjeireilandj.
Gesjiechte
[bewirk | brón bewèrke]Meugelikerwies höbbe de aaj Egypteneren al róndj Afrika gevare vanoet de Roeaj Zieë, de kaap óm en trögk dore Straot van Gibraltar, mit behulp van Fenicische zieëvaerders, zoea wuuert vermeldj door Herodotus.
d'n Ieësten Europeaan dae ómme kaap voor waas Bartolomeu Dias in 1488. Hae óntdekdje de kaap nao las te höbbe gadj van zwaor störm en neumdje 'm denouch Cabo das Tormetas ("Stormkaap"). Later verangerdje de naam nao Cabo da Boa Esperança ("Kaap van Gooj Haop"), ómdet de óntdekking daovan de zieëroute nao Indië korterbie brach.
Op 6 april 1652 vestigdje Jan van Riebeeck 'n vernujingspos vanne VOC hie. Vanoet hie óntwikkeldje zich 'n richtige kolonie, wobie landj woort toegekandj ane vriebörgers die zich hie vestigdje. In 1795 woort 't gebied Brits bezit.
Oceaangrens
[bewirk | brón bewèrke]Kaap de Gooj Haop wuuert traditioneel gezeen es de plaats wo d'n euvergank tösse d'n Atlantischen Oceaan ennen Indischen Oceaan ligk, ómdet de sjeper hie van 'n zujelike richting euvergaon op 'n oeastelike richting (vanoet Europa gezeen). Inne hydrografie trèk me de grens aevel vanaaf Kaap Agulhas, get zujeliker en zón 200 km oeasteliker.
De watere vanne twieë oceane minge zich knap bliek oete struimingspetroeane; de richtige sjeijing tösse de twieë sjuuf op en aaf tössen allebei de kape.