KNVB-beker (manslui)
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
![](http://upload.wikimedia.org/wikipedia/commons/thumb/b/be/Knvbbeker_cropped.jpg/220px-Knvbbeker_cropped.jpg)
De KNVB-beker veur manslui is 't groetste bekertoernooj vaan 't Nederlands voetbal. 't Weurt sinds 't sezoen 1898/99 gespäöld. De versjèllende deilnummende teams mete ziech in 'n inkelvajdege, door loting bepaolde confrontatie volges e knock-outsysteem; in 't verleie heet 't ouch 'n grópsfaas gegeve. De finaal is sinds 1989 in De Kuip. De betaoldvoetbalclubs en de bèste amateurclubs plaotse ziech direk; lieger geklasseerde teams kinne via de versjèllende amateurbekers 't toernooj binnekoume. Vreuger höbbe ouch belofteteams mètgedoon aon de KNVB-beker.
Recordbekerhawwer en huiege bekerhawwer (2019) is AFC Ajax, wat de troffee 19 kier pakde (lèste kier in 't sezoen 2018/19). Wee de KNVB-beker wint, is verzekerd vaan 'n plaots in de UEFA Europa League. Lieg geklasseerde clubs kinne dèks rillatief wied koume. Zoe haolde twie kier 'n amateurclub de haaf finales (IJsselmeervogels in 1974/74, VVSB in 2015/16). Fortuna Zittert haolde in 1998/99 nog de finaal, oondaanks tot 't toen in de Ierste Devisie späölde. De beker is ouch diverse kiere door 'n Limbörgse club gewonne; veur 't iers gebeurde dat in 1937 door RFC Remunj, de lèste kier waor dat in 2000 door Roda JC.
Edities
[bewirk | brón bewèrke]De KNVB-beker weurt wie gezag sinds 1898 gespäöld, daan nog oonder de naom Holdertbeker. 'n Aontal kier is 't toernooj neet gehawwe, oonder mie in d'n Twiede Wereldoorlog; twie kier is 't gestaak. Hei-oonder zuut me 'n euverziech vaan de finales.
|
|
|