Gibbons
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
![](http://upload.wikimedia.org/wikipedia/commons/thumb/b/b8/Gibbon_147.jpg/220px-Gibbon_147.jpg)
Gibbons of Hylobatidae zien 'n familie vaan middelgroete aapechtege. Soms weure ze ouch bij de familie Minsape ingedeild. Ze versjèlle zeker uterlek hendeg väöl vaan de minsape: ze loupe rechop, make gein neste, zien väöl kleinder en slingere mie door de buim. De gibbons höbbe e good deil vaan hunne bouw gemein mèt de minsape, woe-oonder de typische neus. Door 'n speciaol combinatie vaan gevrichte kinne ze beter slingere es welken anderen aap ouch.
Gibbons zien bij hun gebuurde sterk aofhenkelek vaan hun awwers, veural vaan de ma, die häör jónge mèt häör leve verdeideg. Hun leefgebeed is zuidoos-Azië, mèt oetstraolinge tot in Oos-India en zuid-Sjina. Väöl soorte leve in Indonesië.
Saorte
[bewirk | brón bewèrke]De gibbons zien oonderverdeild in veer geslachte, gesorteerd op aontal chromosome.
- Femilie Hylobatidae
- Geslach Hylobates (44 chromosome)
- Withaandgibbon (Hylobates lar)
- Zwathaandgibbon (Hylobates agilis)
- Müllergibbon (Hylobates muelleri)
- Grieze gibbon (Hylobates moloch)
- Zwatkopgibbon (Hylobates pileatus)
- Dwergsiamang (Hylobates klossii)
- Geslach Hoolock (38)
- Westeleken hoelok (Hoolock hoolock)
- Oosteleken hoelok (Hoolock leuconedis)
- Geslach Symphalangus (50)
- Siamang (Symphalangus synadctylus)
- Geslach Nomascus (52)
- Koefgibbon (Nomascus concolor)
- Hainangibbon (Nomascus nasutus)
- Witwanggibbon (Nomascus leucogenys)
- Geelwanggibbon (Nomascus gabriellae)