Cucumis sativus
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
![](http://upload.wikimedia.org/wikipedia/commons/thumb/c/c2/Komkommer_plant.jpg/220px-Komkommer_plant.jpg)
Cucumis sativus is de botanische naam van 'n plantjsaort oete kómkómmerfemielje (Cucurbitaceae). Vröchte van dees plantjsaort zeen de augurk enne kómkómmer. Augurken en kómkómmers waeren es gruuendje verhanjeldj. 't Betröf de (ónriepe, nag gruuen, gael of witte) vröchte. Ditzelvendje geldj ouch veur anger saorten inne kómkómmerfemielje, wie de krezjet. Anger vröchten in dees femielje moge waal riep waere, wie de meloen, pómpoen en watermeloen.
Cucumis sativus is gein netuurlike saort, mer e kwieëkproduk (cultigen). 't Wuuertj al mieër es 3000 jaor gekwieëk. Algemein wuuertj aangenómme det de saort oet Azië kump en via Griekelandj (600 veur Christus) inne zèstieëndjen ieëf Wès-Europa haet bereik. De stameljer zów Cucumis hardwickii zeen, 'n saort die in India veurkump en klein, bitter vröchten haet. De bitter eigesjap is lang inne kómkómmer aanwaezig gebleve, mer allewiel zeen de vröchte vanne rasse veure beroepsteelt allemaol bittervrie. 't Guuef apaarte rasse die augurke levere.
Variëteite
[bewirk | brón bewèrke]- Kómkómmer
- Appel- of citroenkómkómmer
- Beit Alpha kómkómmer
- C-thru cumber
- Diva hybride kómkómmer
- Dosakai kómkómmer
- Kekiri kómkómmer
- Libanese kómkómmer
- Oeas-Aziatische kómkómmer
- Perzische kómkómmer
- De Sikkimkómkómmer of Khivakómkómmer (Cucumis sativus var. sikkimensis) is, wie de naam duitj dinke, aafkómstig oet Sikkim, India. De vröchte lieken op sjókkelaadbroen, nètvörmige meloene mit 'ne lichtelik bittere kómkómmersmaak en zeen 10 toet 20 cm lank en 5 toet 8 cm breid.
- Augurk
De Armeense kómkómmer (Cucumis melo var. flexuosus) wuuertj döks es kómkómmer gebroek, mer is aevel 'n variëteit vanen sókkermeloen (Cucumis melo).