Cantabrië

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Regio van Spanje Cantabrië Cantabria
Hoofplaats	Santander
Opperflaakde	5.321 km²
Inwoeners – Deechde	593.121 (1-1-2014) 111,5/km²
President	Miguel Ángel Revilla
Vouksleed	Himno a la Montaña
Taole	Spaons
ISO 3166-2	ES-CB
Website	www.gobcantabria.es

Cantabrië (Spaons: Cantabria) is 'n otonome regio en provincie in 't noorde vaan Spanje. De regio ligk aon de Cantabrische Zie, ten ooste vaan Asturië, ten weste vaan de Baskische provincie Biskaje (Vizcaya) en ten noorde vaan Castilië en León. De hoofdstad van Cantabrië is Santander.

Cantabrië is zoewel 'n otonoom regio es provincie, en is dus neet oonderverdeild in versjèllende provincies, zjus wie de regio's Asturië, La Rioja, Navarra, Murcia en Madrid.

Vanwege relatief väöl regeval is de regio hiel greun. 't Gief väöl graasland boe vieteelt op weurt bedreve. In de regio weure daorum versjèllende mèlkprodukte geproduceerd, zoewie kies en boter.

De regio heet gebergte, woebij ein punt, de Pico de tres Mares (tóp vaan de drei zieje) biezunder is, umtot drei reviere hei geveujd weure: de Duero, de Nansa en de Ebro, die in drei versjèllende zieë oetloupe, en wel respectievelek d'n Atlantischen Oceaon, de Golf vaan Biskaje en de Middellandse Zie.

Castro-Urdiales.

Santander.