Bokmål
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
![](http://upload.wikimedia.org/wikipedia/commons/thumb/0/0b/M%C3%A5lformer_i_Norge.svg/220px-M%C3%A5lformer_i_Norge.svg.png)
't Bokmål (Noors veur "bookspraok") is ein vanne twieë meis-gebroekdje sjriefvörm van 't Noors; de anger sjriefvorm hètj Nynorsk. 't Bokmål is veur e groeat deil gegróndj op 't sjriftelik Deens. In vergelieking mit 't Nynorsk zeen väöl wäörd in 't Bokmål den ouch mieë gerich wie 't Deens, dewiel 't Nynorsk döks samehingk mit 't Ieslandjs. Wiejer zeen in 't Bokmål in de meiste vel ouch gemonoftongeerdje variante in gebroek wo op 't Nynorsk veurnamelik de oearsprunkelike variante mitten diftong nag waere gebroek; ouch hiebie hingk 't Bokmål mieë same mit 't Deens en Zweeds die monoftonge gebroeke, dewiel 't Nynorsk samehingk mit 't Ieslandjs en Faeröers die diftonge gebroeke.
Vanne bei standerde wuuertj 't Bokmål euverweldigendj mieë gebroek, mit oetzunjering van in 't wèste van 't landj Nórwaeg en den mit naam inne dörper enne plattelandjsgemèndje.