Albrecht Dürer
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
![](http://upload.wikimedia.org/wikipedia/commons/thumb/1/11/Selbstportr%C3%A4t%2C_by_Albrecht_D%C3%BCrer%2C_from_Prado_in_Google_Earth.jpg/220px-Selbstportr%C3%A4t%2C_by_Albrecht_D%C3%BCrer%2C_from_Prado_in_Google_Earth.jpg)
Albrecht Dürer (of Albrech) (Neurenberg, 21 mei 1471 - Neurenberg, 6 aprèl 1528) waor 'nen Duitse kunsteneer dee besjouwt kin weure es ein vaan de belaankriekste en invloodriekste kunsteneers vaan de noorderleke renaissance. Heer waor bedreve in 't make vaan teikeninge, houtsnedes en kopergravures.
Levesverhaol
[bewirk | brón bewèrke]Dürer waor de zoon vaan 'ne Hongaarse goudsmeed dee ziech in Duitsland heet gevesteg. In 1486 woort Dürer lierlingsjèlder in 't atelier vaan Neurenbergs veurnaomste sjèlder, Michael Wolgemut. In 1490 góng heer op reis nao 't zuie en bezeukde heer Basel en Colmar. In 1494 góng heer nao Venies. E jaor later eupende heer zien eige atelier in Neurenberg. Dao maakde heer veural grafisch werk. Tösse 1505 en 1507 bezeukde heer opnui Italië. Heer bleef veural in Venies, boe heer 't werk vaan Giovanni Bellini bestudeerde. Tösse 1520 en 1521 bezeukde heer nog de lieg len. Heer bleef veur de res vaan zien leve in Neurenberg woene. Dao maakde heer zien veurnaomste werke boe-oonder väöl portrètte. Dürer heet väöl werke achtergelaote; zoe'n 70 sjèlderije, 100 kopergravures en 900 teikeninge. 't Bekinds is heer evels gewore door zien houtsnijkunste, heer maakde zoe'n 350 houtsnedes.
-
Ontvoering op 'nen einhoorn, kopergravure oet 1516.
-
Jonge knien, gouache en waterverf oet 1502.