Otto Bauer
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Otto Bauer (5 september 1881, Wene, Oasteriek-Hongarieë - 4 juli 1938, Paries te Frankriek) waor 'ne Oasteriekse Sociaaldemocraat, polletieker en polletieke weitejsapper, dae gezeen weurt es eine veuraansjtaonden dinker van 't zoagenaamp Austromarxisme en later ouch groate invlooj zaw höbbe op 't Nuuj Links, 't Eurocommunisme en 't democratisch socialisme. Van 1918 bies 1919 waor hae minister van Boetelandse Affaires veur Oasteriek.
Wiel hae 'ne Marxis waor, haw hae Groatduutsj-nationalistisch gedachtegood en waor hae expliciet teleurgesjtèld dat Duutsjland en Oasteriek nao 't Verdraag van Versailles verbaoje woorte óm te moge vereinige es ei land. Hae sjtilde in zien oeuvre euver 't socialisme dat nationalisme nuèdeg ies veur 'n linkse rivvelutie. Hae erkinde daobie dat dit zou beteikene dat leng "ummer minder op einander gaon lieke" en dat de rivvelutie daodoor neet in de ganse waereld op 'tzelfde moment zal plaatsjvinge (get wat tege dinkwieze van klassieke Marxiste ingeit).
Allewaal hae tegesjtander waor van Nazisme waor hae veursjtander van de Anschluss tusje Oasteriek en Nazi-Duutsjland in 1938. Drie maonde later sjtórf hae in Paries.