Sivilia de la Vale de Indo
![](http://upload.wikimedia.org/wikipedia/commons/thumb/c/c9/Indus_Valley_Civilization%2C_Mature_Phase_%282600-1900_BCE%29.png/220px-Indus_Valley_Civilization%2C_Mature_Phase_%282600-1900_BCE%29.png)
![](http://upload.wikimedia.org/wikipedia/commons/thumb/2/2b/Mohenjo-daro.jpg/220px-Mohenjo-daro.jpg)
![](http://upload.wikimedia.org/wikipedia/commons/thumb/d/df/Mohenjo-daro_Priesterk%C3%B6nig.jpeg/220px-Mohenjo-daro_Priesterk%C3%B6nig.jpeg)
La Sivilia de la Vale de Indo ia es un sivilia de la Eda de Bronze en la rejiones norde-ueste de Asia sude, durinte de 3300 a 1300 aec, e en un forma matur de 2600 a 1900 aec. Con Egipte e Mesopotamia antica, lo ia es un de tre sivilias temprana de Asia ueste e sude, e un de la tra, la plu vasta, sua locas estendente un area de Afganistan norde-este tra la plu de Pacistan e en India ueste e norde-ueste. Lo ia flori en la basines de la Rio Indo, cual flue tra la longia de Pacistan, e longo un sistem de rios peren e furnida par la monsones cual a un ves coreda en la visin de la Rio Ghaggar-Hakra saisonal en India norde-ueste e Pacistan este.
La sites de la sivilia ia es notada per sua urbanisme, casas de brices fornida, sistemes de drena compicada, sistemes per furni acua, grupos de construidas grande e nonabital, e tecnicas nova en artisania (produidas de carnelia, siseli de selos) e metalurjia (cupre, bronze, plomo, e stanio). La sites grande de Mohenjo-daro e Harappa ia conteni probable entre 30,000 e 60,000 persones, e la sivilia mesma en sua flori ia pote conteni entre un e sinco milion persones. La seci gradal de la solo de la rejion en la milenio tre aec ia es posible la razona inisial per la urbani asosiada con la sivilia, ma ultima lo ia redui la furni de acua sufisinte per causa la mori de la sivilia, e per sperde sua popla a este.
La sivilia Indo es ance conoseda como la sivilia Harappan, pos sua loca tipal, Harappa, la prima de la locas escavada en a sentenio 20 temprana en cual ia es alora la provinse Punjab de India Brites e cual es aora Pacistan. La descovre de Harappa e pronto pos lo, de Mohenjo-Daro, ia es la culmina de labora comensante en 1861 con la fundi de la Survide Arceolojial de India en la Raj Brites. On ave ance cultures plu temprana e plu tarde comun nomida la Harappan temprana e la Harappan tarde (con la orijinal loca nomida la Harappan matur, per distingui lo). Par 2002, plu ca 1000 sites e vilas Harappan matur ia es reportada, de cual su un sento de cual ia es escavada. Ma on ave sola sinco loca urban major: Harappa, Hohenjo-daro, Dholavira, Ganeriwala en Cholistan, e Rakhigarhi. La cultures Harappan plu temprana ia es presededa par vilas neolitica e cultivante, de cual la planos de la rios ia es poplida.
On no ave evidentes direta de la lingua Harappa, e sua relata a otras es nonserta, car la scrive Indus es ancora nondesifrida. Un relata con la familia de linguas dravidian (o elamo-dravidian) es prefereda par la plu de rexercores.