Musca (Stärebild)

Date vum Stärebild Musca
Lëtzebuergeschen Numm	Méck
Däitschen Numm	Fliege
Laténgeschen Numm	Musca
Laténgesche Geenitiv	Muscae
Laténgesch Ofkierzung	Mus
Rektaszensioun	11h 19m bis 13h 51m
Deklinatioun	-75° 41' bis -64° 38'
Fläch	138 Quadratgrad
Siichtbar op de Breedegraden	10° Nord bis 90° Süd
Observatiounszäitraum fir Mëtteleuropa	net ze gesinn
Stärenzuel mat Gréisst < 3^m	1
Hellste Stär, Gréisst	α Mus, 2,69^m
Meteorstréim
Nopeschstärebiller (vun Norden am Auerrzäresënn)	Crux Carina Chamaeleon Apus Circinus Centaurus
Kaarte vum Stärebild Musca

D'Méck, laténgesch Musca ass e Stärebild um südleche Stärenhimmel.

Beschreiwung

D'Méck (Musca) ass e klengt, awer däitlech erkennbart Stärebild, südlech vum Stärebild Crux. D'Musca huet een helle Stär vun der 2. Gréissteklass.

Duerch d'Stärebild zitt sech d'Band vun der Mëllechstrooss. Opfälleg ass eng ausgedeent Donkelwollék, genannt, de Kuelesak. De südlechen Deel geet bis an d'Stärebild vun der Musca. Dës Himmelsregioun vun der Méck bitt e schéinen Ubléck.

Geschicht

D'Musca gehéiert zu den 12 neie Stärebiller, déi Enn vum 16. Joerhonnert vum hollännesche Séifuerer Pieter Dirkszoon Keyser an dem Frederik de Houtman agefouert goufen. De Johannes Bayer huet se 1603 als Bei (Apis) a säin Himmelsatlas Uranometria agedroen.

1752 nennt si den Nicolas Louis de Lacaille La Mouche, op Latäin: Musca. Spéider gëtt si och nach Musca Australis genannt. Op ale Stärekaarte schnellt d'Zong vum Chamaeleon (Nopeschstärebild) a Richtung vun der Méck.

Himmelsobjeten

Stären

B	Nimm o. aner Bezeechnungen	Gréisst	Lj	Spektralklass
α		2,69^m	306	B2 IV-V
β		3,04^m	311	B2 V
δ		3,61^m	91	K2 III
λ		3,63^m	128	A7 III
γ		3,84^m	324	B5 V
ε		4,0 bis 4,3^m	302	M5 III
μ		4,75^m	432	K4 III
η		4,79^m	406	B8 V
	HR 5002	4,86^m	1186	K2 Ib-II
	HR 4549	4,89^m	338	B4 V
	HR 4538	4,98^m	1456	G5 Ib
	GT	5,01^m	561	G2 III + A
ι		5,04^m	225	K0 III
	HR 4401	5,09^m	475	B5
ζ²		5,15^m
	HR 4617	5,17^m	438	K2 II
	HR 4604	5,34^m	339	A0 V
θ		5,44^m	WC6 + O9

De Stär δ Muscae ass 91 Liichtjoer vun eis ewech, hie liicht orange an huet d'Spektralklass K2 III.

Bei θ Muscae handelt et sech ëm deen zweethellste bekannte Wolf-Rayet-Stär.

Duebelstären

System	Gréissten	Ofstand
α
β	3,7 /4,0^m	1,3"

Den α Muscae ass ee bloen Iwwerris op enger Distanz vun 306 Liichtjoer vun eis ewech. Hien huet déi 20.000fach Liichtkraaft vun eiser Sonn. Op engem Ofstand vun 2600 AU ass ee liichtschwaache Begleetstär, deen hien an 45.000 Joer ëmkreest.

Den β Muscae ass een Duebelstäresystem op enger Distanz vun 311 Liichtjoer. Déi zwou Komponente gehéieren zu de Spektralklasse B2 a B3.

Verännerlech Stären

Objet	Gréisst	Period	Typ
α	2,69^m	2,2 Stonnen	Cepheid
ε	4,0 bis 4,3^m	40 Deeg	Hallefreegelméisseg Verännerlechen

Den Haaptstär vum System, den α Muscae pulséiert liicht, seng Hellegkeet verännert sech iwwer en Zäitraum vun 2,2 Stonnen ëm ronn 1 %. Hie gehéiert zu de verännerleche Stäre vum Typ Cepheiden.

De Stär ε Muscae ass 302 Liichtjoer vun eis ewech. Et ass en hallefreegelméisseg verännerleche Stär, deem seng Hellegkeet an engem Zäitraum vu ronn 40 Deeg schwankt. Et handelt sech hei ëm ee roude Ris mat der Spektralklass M5 III.

Niwweleg Objeten

NGC	Gréisst	Typ	Numm
		Donkelwollek	Kuelesak
4372	7,8^m	Kugelstärekoup
4463	7,2^m	Oppene Stärekoup
4815	8,6^m	Oppene Stärekoup
4833	7,4^m	Kugelstärekoup
5189	9,7^m	Planetareschen Niwwel