Europäesche Comité vun de Regiounen
![](http://upload.wikimedia.org/wikipedia/commons/thumb/2/2f/European_Committee_of_the_Regions_logo.svg/220px-European_Committee_of_the_Regions_logo.svg.png)
Den Europäesche Comité vun de Regiounen, deen duerch de Maastrichter Traité geschaf gouf, besteet aus 329 Representante vu regionalen a lokale Kierperschaften, déi vun den EU-Memberstaate proposéiert a vum Conseil vun der Europäescher Unioun op 4 Joer ernannt ginn. Hien huet säi Sëtz zu Bréissel.
D'Lëtzebuerger Membere sinn: Simone Beissel, Roby Biwer, Tom Jungen an Natalie Silva. Ersatzmembere sinn: Liane Felten, Linda Gaasch, Carole Hartmann, Vincent Reding, Jacqueline Breurer a Stephen de Ron (Stand: Abrëll 2024)[1].
D'Europäesch Kommissioun an de Conseil mussen de Comité vun de Regioune consultéieren, wann et ëm legislativ Propositioune geet, déi fir d'Regioune relevant sinn. Dorënner falen d'Educatioun, d'Kultur, d'ëffentlech Gesondheet, d'Trans-europäesch Netzer an d'Kohesiouns- a Strukturfongen (also deen Deel vum EU-Budget, mat deem an deene méi aarme Géigende Bau- oder soss Projeten ënnerstëtzt ginn). De Comité kann och vu sech aus Resolutiounen unhuelen.
Intern organiséiert e sech a 6 Kommissiounen, déi den Theemen no Projete vun den Avisen oder de Resolutiounen ausschaffen, déi da vun allen ofgestëmmt ginn.
Kuckt och
[änneren | Quelltext änneren]Um Spaweck
[änneren | Quelltext änneren]![]() |
Portal EU – All d'Artikelen op der Wikipedia iwwer d'Europäesch Unioun. |
Referenzen
[Quelltext änneren]- ↑ Resultat vun der Sich no de Representante aus der "Regioun" Lëtzebuerg op cor.eurpoa.eu (nogekuckt: 04.04.2024).