Puebla de Zaragoza
Este artikolo o seksion nesesita referensias ke apareskan en una puvlikasion soportada.
Puedesh, akresentar o enkomendar al autor prinsipalo en la su hoja de diskusion. Mientres tanto, no kites este avizo.
|
Puebla de Zaragoza es una sivdad del Estado de Puebla i es la kapitala del estado. Ay aki povlasion de 1.434.062 moradores, es la katrena zona urbana mas grande del paiz, dempues dela Sivdad de Meksiko, Guadalajara i Monterrey. La sivdad muchigua rapidamente i es lugar de desvelopamiento teknolojiko i komersial, konta kon emportantes atraktivos turiztikos i endemas kon una rika kuzina rejionala de grande fama internasionala.
Etimolojia
[trocar | trocar el manadero]El antiko nombre del afinkamieto ande se fraguo la sivdad era Cuetlaxcoapan, ke en lingua nahuatl sinyifika Lugar ande las serpyentes trokan de pyel. Enel anyo 1531, fray Toribio de Benavente informo al Konsesho de Indias el «ensayo de la Puebla de los Ánjeles». Y el 20 de marso de 1532, por sédula dela reyna Izabela de Portugal, dada en Medinat del Kampo, le konsede el títolo de Sivdad de los Ánjeles. Puebla es un grande kazal o kazerio en lingua kastilyana, munchos kazales de Espanya, zon yamados komo pueblas.
La alkunya Zaragoza, deriva de la alkunya del djeneral Ignacio Zaragoza, eroe i militar meksikano ke ganyo la Gerra de Puebla kon las sus huersas armadas en los huertes de Loreto i Guadalupe kontra el ejersito fransez. El 11 de septiembre de 1862, por dekreto del prezidente Benito Juárez, resebio el titolo ofisial de Puebla de Zaragoza, en onra de Ignacio Zaragoza; i el de Heroika Puebla de Zaragoza por dekreto del Kongreso del Estado el 4 de agosto de 1950. Aktualmente por dekreto del 23 de avril de 2014 del Kongreso del Estado de Puebla se le denominó Kuatro Vezes Eroika Sivdad de Puebla de Zaragoza.
Istoria
[trocar | trocar el manadero]![](http://upload.wikimedia.org/wikipedia/commons/thumb/2/20/Sitio_puebla.jpg/200px-Sitio_puebla.jpg)
Los primeros ombres ke yegaron al Vaye de Puebla, hueron aborijinalos aze 30,000 anyos atras, las evidensias de los primeros avitantes se toparon en Valsequillo, ansina komo guesos o restos de grandes animales del preistoseno o edad de la preistoria.
Durante el virreynato, avia una nesesidad de konstruir una mueva sivdad ke komunikase la Sivdad de Meksiko kon el Puerto de Verekruz. La nesesidad de una via comersiala más korta, así komo el muchiguamiento de espanyoles apartados del sistema de enkomiendas, izo ke se empezara a plantear la kreasion de una sivdad mueva aleshada de los kazales indígenas i destinada deskanso, afinkamiento i komersio de los sivdadanos espanyoles.
En la sivdad se izo grande parte de la intervensión franseza, kuando el 5 de mayo de 1862, las huersas meksikanas, komandadas por el Djeneral Ignacio Zaragoza (en los Fuertes de Loreto i Guadalupe), onde derrotan a la armada franseza en una grande batalya.
Ekonomia
[trocar | trocar el manadero]Una de las grandes sivdades de paiz ke mas amuchigua es la sivdad de Puebla de Zaragoza. En la sivdad se topa la armadora almana de karros afamada komo Volkswagen, una empresa ajena ke oferta lavoro a los avitantes de los estados de Puebla i Tlaxcala.
Turizmo
[trocar | trocar el manadero]La Sivdad de Puebla es una de las mas visitadas del paiz, konta kon una rika kuzina tradisionala i emportantes monumentos antikos de arte kolonialo espanyol.
- Katedrala de Puebla
- Biblioteka Palafoxina
- Kuzina de Santa Rosa
- Palazio de governo del estado de Puebla
- Antiko konvento de Santo Domingo
Galeria
[trocar | trocar el manadero]-
Parrokia de San Francisco
-
Kapiya del Rosario
-
Alkaldia de Puebla
-
Kaza de los bonekos
-
Maale delos Sapos
Demografia
[trocar | trocar el manadero]La sivdad de Puebla es la katrena zona metropolitana del paiz, una de las grandes sivdades ke konta kon mas de 2 milyones de moradores en todos los belediyes enjuntos.
Relijion
[trocar | trocar el manadero]La mayoria delos moradores dela sivdad de Puebla son kristianos katolikos, la sede del obispado se topa en la Katedrala Metropolitana dela Sivdad de Puebla.
Edukasion
[trocar | trocar el manadero]La sivdad de Puebla de Zaragoza es uno de los sentros edukativos mas emportantes del paiz, aki es afinkada la Benemerita Universita de Puebla, ansina komo otrunas universitas privadas.
Kultura
[trocar | trocar el manadero]![](http://upload.wikimedia.org/wikipedia/commons/thumb/0/06/BIBLIOTECA_PALAFOXIANA.tif/lossy-page1-220px-BIBLIOTECA_PALAFOXIANA.tif.jpg)
Arkitektura
[trocar | trocar el manadero]La sivdad de Puebla es una de las galanas sivdades del Meksiko, el su sentro istoriko hue deklarado Erensia Kulturala de Umanitad, la sivdad konta kon emportantes fraguas de rekonsensia en la arkitektura koloniala del barroko i el neoklasiko, komo la Katedrala de Puebla, las kazas virreynalas.
Kuzina
[trocar | trocar el manadero]La sivdad de Puebla konta kon una rika kuzina de rekosensia internasionala, ansina la su kuzina es afamada por el mole poblano. La sivdad konta kon otros platos komo las Chiles en Nogada (paprikas vedres kon muez), las semitas (pan empanizado kon harina de trigo i karne de poyo p porko), las chalupas, entre otros platos del lashon.
Espor
[trocar | trocar el manadero]![](http://upload.wikimedia.org/wikipedia/commons/thumb/0/02/Estadio_Cuauht%C3%A9moc.jpeg/220px-Estadio_Cuauht%C3%A9moc.jpeg)
La Sivdiad de Puebla konta kon klubes profesionales en diferentes disciplinas de konjunto, lo zon el fútbol, béisbol i fútbol americano. Tambien se konta kon destacados djovenos en esportes individuales komo el atletismo, el tenis i el taekwondo.
Akodros
[trocar | trocar el manadero]Sivdades ermanas
[trocar | trocar el manadero]La Sivdad de Puebla de Zaragoza es ermanada kon las sigientes sivdades:
Ver endemas
[trocar | trocar el manadero]Referensias
[trocar | trocar el manadero]Atamientos eksternos
[trocar | trocar el manadero]{{{Puebla}}}