Knesset
Knesset / כנסת | ||||
| ||||
Tipo | Unikameral | |||
---|---|---|---|---|
Portaboz | Yuli-Yoel Edelstein, Likud desde 18 de Marso de 2013 | |||
Membros | 120 | |||
Grupos politikos | Likud Union Zioni (Partito Lavorista) Lisa Conjunta Yesh Atid Bayit Yehudi | |||
Ultima eleksion | 2019 | |||
Ubikasion | Knesset, Givat Ram, Yerushalayim, Yisrael | |||
Pajina web | http://www.knesset.gov.il |
La Knesset (כנסת, "assamblea" en Ivrit) (Arabo: الكنيست al-K(e)neset) es la Asamblea Nasyonal de la Medinat Yisrael i esta konpuesta por una unika kamara de 120 deputados, para un mandato de 4 anyos, por medyo de la representasion proporsional para lístas de partido. Akorrúto, espesialmente en los ultimos anyos, se a disuelto al yamar a eleksiones antisipadas antes de ke finalize el termino para el kual a sido elejida.
Ya ke Yisrael es una demokrasia parlamentaria, las unikas eleksiyones selebradas en el paez a nivel nasyonal son las lejislativas; entonses la Knesset, una vez elekta, bushka formar de entre sus deputados una koalisyon ke konte kon la majoriya simple de las sus bankas, la ke elijira de entre los sus membros al Poder Egzekutivo (el Primér Ministro i el su gabinete). El governo deve disfrutar de konfiansa permanente de la Kneset para permaneser en el su kargo; si la Knesset aprova un boto de deskonfiyansa al Egzekutivo, endemas de darle al menos 61 myembros del parlamento apuyo a un kandidato opositor, inplika el fin de ese governo i la toma de poder del otro kandidato. Endemas la Knesset dikta leyes, supervisa la avoda del Governo Nasyonal, i tiyene tambiyen la potestad de nombrar i destituir al Presidente, ansina komo al Kontrolador del Estado, entre otras fonksiyones. Las primas eleksiyones a la Knesset se yevaron akavo el 14 de Fevrero del anyo 1949.
Yisrael tiene la kuryosidad ke las leyes aprobadas por la Knesset no deven entrar en konflikto kon las leyes organikas, ke son 'de fakto' la konstitusyon del paez (Medinat Yisrael no tiene konstitusion) ma la Knesset tene el poder de aprobar leyes organikas adisionales.
![](http://upload.wikimedia.org/wikipedia/commons/thumb/8/85/Knesset_in_Jerusalem_Israel.jpg/250px-Knesset_in_Jerusalem_Israel.jpg)
Kompozisyon Aktuala
[trocar | trocar el manadero]La 18ª Knesset fue elijida el 30 de Marso de 2009.
Partido | Diputados |
Kadima | 28 |
Likud | 27 |
Yisrael Beiteinu | 15 |
Shas | 11 |
Partido Lavorista | 8 |
Independensia | 5 |
Yahadut Atorá | 5 |
Union Nasyonala-Partito Nasional Relijioso | 4 |
Lista Araba Unida-Ta'al | 4 |
Meretz-Yahad | 3 |
Hadash | 4 |
Balad | 3 |
La Kaza Djudia | 3 |