Hana Elhebshi
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
![](http://upload.wikimedia.org/wikipedia/commons/thumb/8/87/Secretary_Clinton_and_First_Lady_Obama_With_2012_IWOC_Award_Winner_Hana_El_Hebshi_of_Libya.png/350px-Secretary_Clinton_and_First_Lady_Obama_With_2012_IWOC_Award_Winner_Hana_El_Hebshi_of_Libya.png)
Hana Elhebshi (arabi: هناء الحبشي, nasida en 1985)[1] es una aktivista i arkitekta de Libia.[2]
Elhebshi lavorava komo arkitekta en Tripoli, la sivdad kapitala de Libia.[3] El su padre era un komandante de la Huersa Aerea, dirijando la Baza en Noviaga.[4]
Aktivismo
[trocar | trocar el manadero]Era echa aktivista durante la Revolusion en Libia, anke eya nunka tenia konosensia politika o eksperiensia kon aktivismo.[3] El emepsijo de la su kariera komo aktivista era eskriviendo ensima del Asedyo de Tripoli en la internet.[5] En las sus notas, eya akonsejava ala OTAN azer atakos alas huersas de Muammar Ghaddafi i kontava kuandas personas eran amortadas por la su rejima durante revolusion en Libia.[6] Eya endemas keria kontarle al mundo la vedradera vida enel su payis basho la rejima de Muammar Ghaddafi.[4] Eya uzava el nombre "Numidia" para las sus aktivitas online, aziendo referensia al su orijin amazigh, para kuvijar la su identidady.[2][7] Komo parte de los sus es.huersos para kriar konosensia de los evenementos enel su payis, izo kontakto kon organizasiones komo Al Jazeera.[4] Endemas, gerreyo por los diritos de las mujeres enel su payis, espesialmente durante la Revolusion Libia.[8]
En 2012, aresivio el premio International Women of Courage, por el su koraje en informar al mundo ensima del hal enel su payis.[2] Elhebshi era una de las diez mujeres ke aresivieron este onor en 2012, en un evenemento en la sivdad de Washington, D.C., ande se topavan la Sekretaria de Estado de los Estados Unidos Hillary Clinton i la Primera Dama de los Estados Unidos, Michelle Obama. Las mujeres onoradas izieron un tour de de tres semanas enel payis, espartiendo las sus istoryas,[3] en sivdades komo Pittsburgh, Pennsylvania; Bozeman, Montana; Cincinnati, Ohio; East Lansing, Michigan; Indianapolis, Indiana ;Jackson, Wyoming; Kansas City, Missouri; Minneapolis, Minnesota; Pensacola, Florida; St. Louis, Missouri; Salt Lake City, Utah; i Seattle, Washington.[3]
Referensias
[trocar | trocar el manadero]- ↑ Libyan Activist Gets International Women of Courage Award. Tripoli Post (en lingua inglesa)
- ↑ a b c International Women of Courage Award Winners. Departamento de Estado de los Estados Unidos (en lingua inglesa)
- ↑ a b c d Pittsburgh first U.S. city to spend time with courageous women. Pittsburgh Post-Gazette (en lingua inglesa)
- ↑ a b c هناء الحبشي.. دور المرأة في الثورة الليبية. Al Jazeera. (en arabi)
- ↑ Revolutionaries Unveiled - Cyberactivism & Women's Role in the Arab Uprisings - Page 2 of 7. Muftah (en lingua inglesa)
- ↑ Pittsburgh first U.S. city to spend time with courageous women. Pittsburgh Post-Gazette (en lingua inglesa)
- ↑ Women honored by U.S. for their courage. SFGate (en lingua inglesa)
- ↑ Congressional Record, Volume 158 Issue 61 (Thursday, April 26, 2012). GPO (en lingua inglesa)