Spurius Carvilius C.f. Maximus
Spurius Carvilius C.f. Maximus (natus saeculo 4, mortuus post annum 272 a.C.n.) fuit vir publicus Romanus.
Cursus honorum
[recensere | fontem recensere]Carvilius anno 294 primum consul cum collega Lucio Papirio L.f. Cursore in Samnites processit et Amiternum urbem expugnavit, eodem anno Veliam, Palumbinum, Herculaneum oppida Samnitium expugnavit[1]. Romam rediit, templum dedicavit, milites donavit et de Samnitibus triumphavit[2]. Anno 292 legatus Decimi Iunii D.f. Bruti Scaevae adhuc imperiti nominatus est[3] et anno 289 a.C.n. censor erat[4]. Anno 272 iterum cum eodem collega consul Samnitium bella tandem finivit et cum Papirio de Tarentinis, Samnitibus, Lucanis atque Bruttiis triumphavit.
Notae
[recensere | fontem recensere]- ↑ Titus Livius, ab urbe condita, X 39
- ↑ Livius X 46
- ↑ Zonaras, Epitome historiarum VIII 1.
- ↑ Velleius Paterculus II 128, 2.
| Antecessores: Lucius Postumius Megellus II et Marcus Atilius M.f. Regulus |
Consul 293 a.C.n. cum Lucio Papirio L.f. Cursore |
Successores: Quintus Fabius Q.f. Maximus Gurges et Decimus Iunius D.f. Brutus Scaeva |
| Antecessores: Gaius Fabius M.f. Dorso Licinus et Gaius Claudius M.f. Canina II |
Consul 272 a.C.n. cum Lucio Papirio L.f. Cursore II |
Successores: Gaius Quinctius L.f. Claudus et Lucius Genucius L.f. Clepsina |