Raginherus Nooms

Raginherus Nooms, notus cognomine Zeeman (Nauta) (vulgo: Reinier Nooms; Amstelodami anno 1623 natus; Amstelodami anno 1664 mortuus) fuit saeculi aurei chalcographus, pictor et delineator Nederlandicus^[1].

Biographia

Probabilissime Amstelodami natus^[1] et piscatorum filius, primum in nave laboravit, per mare nostrum et secundum Africae litora occidentalia innans^[2], negotiationis Nederlandicos gressus praecipuos consequens^[3]. Fortasse se ipsum erudiit^[3]^[4] et Lugduni Batavorum anno 1645^[1], Londinii^[2], Berolini^[1] pro rege Friderico^[2], Lutetiae de 1650 usque ad 1652, ubi ob patronorum curam advenit et facierum urbanarum marinarumque pictor claruit^[2], et Amstelodami a 1652 usque ad 1664 laboravit^[1].

Praecipue ruris et urbanas facies, saepe hiemales et italicas, prospectus maritimos, argumenta marina, aedificia atque monumenta perfecit, pigmentis oleariis utens^[1]. Etiam chalcographus fuit: tabulas de Lutetia(Le Faubourg Saint-Marcel, Musei Lupariensis prospectus, aulae imago vera), Amstelodami aedificia et portus Nederlandicos sculpsit^[2], omnino 170^[3]. Hae tabulae inter primas diligenter urbium aedificia reddiderunt et duodevicesimi saeculi numerosorum prospectuum urbanorum antepraecursores fuerunt^[3]. Chalcographum Francogallicum Carolum Meryon divino instinctu concitaverunt^[3].

Inter opera sua argumenta marina novissima sunt, exempli gratia pictura parva Marine, nunc in Museo Lupariensi, vel Sinus (apud Pinacothecam Nationalem Daniae), in quibus artifex lucis effectus coloratos inter aquam et coelum ostendit et quae a Ludolpho Backhuysen et Gulielmo van de Velde adducuntur^[2]. Haec opera ad medii saeculi rationem spectant^[3]. Pictura Labronis proelium, autem, positivior est, quae Henrici Vroom opera admonet^[2]. Eius facies italicae, ut Portus mediterranei et Sinus italicus, a coloribus intentissimis et luce flava, aerem meridionalem excitante, denotantur^[2], et proprium fabulosium exhibet, quod saeculi finis pingendi rationem dramaticiorem praenuntiat^[3]. Eius argumentarum marinarum nota est ad singula depingenda cura, operarum nauticarum peritiam indicans: enim saepe nautarum et operariorum navium rimarum obturationem perficientorum negotium cotidianum effigiavit^[3].

Eius opera R.Zeeman obsignare consuescebat^[1].

Opera

Navium rimarum obturatio in Ij (Amstelodami), pictura supra tela cum pigmento oleario, 49 × 64 cm, 1635 fere, Rijksmuseum, Amstelodami
Naves receptaculum in Ij expectantes (Amstelodami), pictura supra tela cum pigmento oleario, 63 x 83 cm, apud Collectionem privatam^[5]
Ante sabuli aggerum proelium, pictura supra tela cum pigmento oleario, 91,4 × 111,8 cm, 1640, apud Museum patrium maritimum, Grenovici^[6]
Labronis proelium navale, pictura supra tela cum pigmento oleario, 142 × 225 cm, apud Rijksmuseum, Amstelodami^[7]
Amstelodami portus prospectus, pictura supra tela cum pigmento oleario, High Museum of Art, Atlanta^[8]
Reguli fossa (Prinsengracht) et Ecclesia septemtrionalis (Noorderkerk) Amstelodami, chalcographia, 13,5 x 24,8 cm, 1657-1662, Rijksmuseum, Amstelodami
Argumentum marinum, pictura cum penicillo et atramento, dextra deorsum obsignata R. Zeeman^[9]

Notae

Bibliographia

Emil Kren; Daniel Marx (2015). "NOOMS, Reiner". The Web Gallery of Art
Edward Strachan; Roy Bolton (2015). "REINIER NOOMS, CALLED ZEEMAN (AMSTERDAM 1623 - AMSTERDAM 1664)". SPHINX FINE ART - Artists
"Reinier Nooms". Rijksbureau voor Kunsthistorische Documentatie. 2015
"Rainier Nooms dit Zeeman". Dictionnaire de la Peinture Larousse. 2015

Nexus externi

Vicimedia Communia plura habent quae ad Raginherum Nooms spectant.

Raginherus Nooms in Amstelodami Rijksmuseum (Nederlandice)
Raginherus Nooms in Artnet (Anglice)
Raginherus Nooms in Artcyclopedia (Anglice)
Raginherus Nooms - Base Joconde (Francice)

[rkd-1] 1.0 ^1.1 ^1.2 ^1.3 ^1.4 ^1.5 ^1.6 Rijksbureau voor Kunsthistorische Documentatie

[larousse-2] 2.0 ^2.1 ^2.2 ^2.3 ^2.4 ^2.5 ^2.6 ^2.7 Dictionnaire de la Peinture Online Larousse

[sphinx-3] 3.0 ^3.1 ^3.2 ^3.3 ^3.4 ^3.5 ^3.6 ^3.7 Sphinx Fine Art

[web-4] The Web Gallery of Art

[5] Naves in receptaculo in Ij - The Web Gallery of Art

[6] Ante sabuli aggerum proelium - Communia

[7] Labronis proelium navale - Communia

[8] Amstelodami portus prospectus - Communia

[9] Argumentum marinum - Communia

[1]

[2]

[3]

[4]

[5]

[6]

[7]

[8]

[9]