Cyprinodontiformes

Fundulus heteroclitus heteroclitus femina (summa dextra) et duo mares

Animalia — Chordata

Superclassis : Osteichthyes
Classis : Actinopterygii
Subclassis : Neopterygii
Infraclassis : Teleostei
Superordo : Acanthopterygii
Ordo : Cyprinodontiformes
L. S. Berg, 1940

Palaeontologia

Subdivisiones: Subordines

Synonyma

Microcyprini Regan, 1909

Cyprinodontiformes sunt ordo piscium classis Actinopterygiorum, inter quos plerumque parvi aquae dulcis pisces, quorum multi, sicut poeciliidae, in aquariis domesticis populo grati sunt. Arte coniunguntur cum Atheriniformibus et aliquando in eos ponuntur. Anglice ei toothcarps appellantur, quamquam ei revera non sunt cognati cyprinidarum verarum (carps), quae ad superordinem Ostariophysos pertinent, cum cyprinodontiformes in acanthopterygios digeruntur.

Familiae Cyprinodontiformium in tres greges digeri possunt: viviparos et oviviviparos (quorum omnes species fetus vivos pariunt), et oviparos (quorum omnes species ova pariunt). Greges qui fetus vivos pariunt inter se ratione differunt qua fetus ad terminum feruntur intra corpus (oviviviparitas) vel sine ovi putamine includente (viviparitas). Phylogenetice autem unus ex duobus subordinibus (Aplocheiloidei) species oviparas proprie continet, sicut duo ex quattuor superfamiliis alii subordinis (Cyprinodontoidea et Valencioidea Cyprinodontoideorum). Viviparitas et oviviviparitas libere se evolverunt ex maioribus oviparis, oviviviparitas fortasse bis.

Descriptio

Singuli huius ordines in duris circumiectis naturalibus habitant, sicut aquae salina vel calidissima, aqua generis mediocris, vel loci remoti ubi nulli alii pisces fiunt. Plerumque sunt omnivora, quae prope superficiem usitate degunt, ubi aqua oxygenio abundans cum incommodis circumiectorum compensat.

Hi pisces sunt parvi ad medium, oribus parvis, oculis magnis, una pinna dorsali, et curvata pinna caudali. Maxima species est Anableps dowi, quae ad 34 cm longa crescit,^[1] sed minima, Heterandia formosa, est tantum 8 millimetra longa adulta.^[2]

Ordo Cyprinodontiformes

Subordo Aplocheiloidei (omnes ovipari)
- Familia Aplocheilidae in Asia Australi et Madagascaria (etiam Pseudepiplatys annulatus in Africa Occidentali)
- Familia Nothobranchiidae (olim in Aplocheilidis)
- Familia Rivulidae
Subordo Cyprinodontoidei
- Superfamilia Funduloidea (ovipara)
  - Familia Profundulidae in America Media (oviparae)
  - Familia Goodeidae (viviparae)
  - Familia Fundulidae (oviparae)
- Superfamilia Valencioidea (ovipara)
  - Familia Valenciidae
- Superfamilia Cyprinodontoidea (ovipara)
  - Familia Cyprinodontidae
- Superfamilia Poecilioidea
  - Familia Anablepidae (oviviviparae)
  - Familia Poeciliidae (nonnullae oviparae, nonnullae oviviviparae)

↑ http://www.discoverlife.org/mp/20q?search=Anableps+dowi&flags=col3:&res=320
↑ Parenti, Lynne R. (1998). Paxton, J. R., et W. N. Eschmeyer. ed. Encyclopedia of Fishes. San Diego: Academic Press. pp. 148–151. ISBN 0-12-547665-5 .

Vicimedia Communia plura habent quae ad Cyprinodontiformes spectant.