Bivalvia
![](http://upload.wikimedia.org/wikipedia/commons/thumb/3/31/Haeckel_Acephala.jpg/240px-Haeckel_Acephala.jpg)
Bivalvia (Bivalve -is, n.) sunt molluscorum marinorum et aquae dulcis classis, quae Pectinidas, Ostreidas, Mytilidas, multasque alias molluscorum familias quibus sunt bina valvia cardine praedita comprehendit. Classis diu Pelecypoda appellabatur, nomen quod ad molles animalis partes spectat, cum nomen Bivalvia testam describit, cui sunt bina valvia. Nominaverunt aliqui malacologi classem Lamellibranchia (ad branchias sicut lamellae spectans; vide ctenidium), Acephala (eis non est caput), et Bivalva [sic] (bina valvia).
Omni classi sunt plus minusve 9200 specierum, quae intra 1260 genera et 106 familias circumscribuntur. Bivalvia marina (cum speciebus aquae amarae et aestuariorum) sunt circa 8000 specierum, in quattuor subclassibus et 99 familiis cum 1100 generum digestarum. Maximae familiae recentiores sunt Veneridae, cum plus quam 680 species, Tellinidaeque et Lucinidae, utrique plus quam 500 species. Bivalvia aquae dulcis sunt septem familiae additae, quarum Unionidae circa 700 species continent.[2]
Bivalvibus (gastropodibus dissimilibus) radula deest; pascuntur vero particellis ex aqua siphonandis colandisque. Alia bivalvia epifauni sunt (se bysso, caemento organico, superficiebus adligant), alia infauna (se sub harena sedimentisve condunt): haec pedem fortem fossilem habere solent. Nonnulla, insigniter Pectinidae, natare possunt.
Bivalvia antiquis nota
[recensere | fontem recensere]Haec bivalvia apud scripta antiqua commemorantur:
- Balanus = Pholas dactylus, Pholas crispata
- Chema striata[3] = Venus verrucosa
- Chema levis[3] = Callista chione
- Dactylus = Lithophaga lithophaga
- Glycymeris fortasse = Glycymeris glycymeris
- Mitulus[4] = Mytilus galloprovincialis et spp.
- Myiscus = Modiolus barbatus
- Onyx = Solen vagina?
- Ostrea = Ostrea edulis et spp.
- Pecten = familia Pectenidae
- Peloris, Lucrina peloris = Tapes decussatus
- Aquosa peloris fortasse = Venerupis aurea
- Pinna = Pinna nobilis
- Solen = Ensis ensis et spp.
- Spondylus = Spondylus gaederopus
- Telline, xiphydrion, sciphidrion = Donax trunculus
Taxinomia
[recensere | fontem recensere]Systema infra datum classificationem Norman D. Newell (1965) sequitur, secundum morphologiam dentium cardinis?[5]:
Subclassis | Ordo |
---|---|
Palaeotaxodonta | *Nuculoida |
Cryptodonta | †Praecardioida |
Pteriomorphia | Arcoida
Ostreoida (olim in Pterioidis descripta) |
Paleoheterodonta | †Trigonioida |
Heterodonta | †Cycloconchidae |
Anomalodesmata | Pholadomyoida |
Notae
[recensere | fontem recensere]- ↑ Haeckel duos saltem libros Latine scripsit, nempe De telis quibusdam Astaci fluviatilis (1857) et De Rhizopodum finibus et ordinibus (1861), sed quo nomine Latino non patet.
- ↑ Huber, Markus (2010). Compendium of Bivalves. A Full-color Guide to 3'300 of the World's Marine Bivalves. A Status on Bivalvia after 250 Years of Research. Hackenheim: ConchBooks. pp. 901 pp. + CD. ISBN 978-3-939767-28-2.
- ↑ 3.0 3.1 Plinii NH 32.53.147.
- ↑ Varie scriptum: mitulus, mytulus, mytilus, etc. A verbo Graeca, quae est μύτυλος.
- ↑ Norman D. Newell (1969), Bivalvia systematics, in Treatise on Invertebrate Paleontology, ed. R. C. Moore, pars N.
Bibliographia
[recensere | fontem recensere]- Bernard, F. R., Ying-Ya Cai, et Brian Morton. 1993. A Catalogue of the Living Marine Bivalve Molluscs of China. Hongcongi: Hong Kong University Press. (Paginae selectae apud Google Books)
- Dalby, Andrew. 2003. Food in the Ancient World: from A to Z. ISBN 0415232597.
- Ponder, W. F., et David R. Lindberg. 2008. Phylogeny and evolution of the Mollusca. Berkeleiae University of California Press. ISBN 0520250923.
- Schneider, Jay A. 2001. "Bivalve Systematics during the 20th Century." Journal of Paleontology 75 (6): 1119–27.
Nexus externi
[recensere | fontem recensere]![]() |
Vicimedia Communia plura habent quae ad Bivalvia spectant. |
- Bivalvia.net.
- Data de Marinis Cambodiae Bivalvibus
- Marinae Bivalvium Conchae Insularum Britannicarum
- Museum Palaeontologiae in Universitate Californiae Berkeleiae
- Situs de "bioerosion" in Collegio Wooster
![]() |
Situs scientifici: • ITIS • NCBI • Biodiversity • Encyclopedia of Life • WoRMS: Marine Species • Fossilworks |