Benedictus Jensenius
.jpg)
Benedictus vulgo Bent Jensenius (natus 1945 haud procul a Hafnia[1]) magister Danicus necnon summus Esperanticorum fautor est.
Vita
[recensere | fontem recensere]Filius viri cuiusdam in rebus hortulanis docti absolutorium scholasticum fecit, antequam ipse in Angliam, Canadam, Brasiliam et Columbiam iit ad viridaria inspicienda. Anno sexto in patriam reditum est, ubi in universitate linguis Hispanicae, Anglicae et Theodiscae studebat. Inde in scholis variis operam dabat, plerumque in technicis. Insuper librum definitivum utriusque linguae (i.e. Anglicae et Theodiscae) pepigit.
Annos LV natus Benedictus tiro Zamenhofianum sermonem edidicit. In motione Esperantica illustris factus est lectionario iucundo cui titulus Bonvenon en nia mondo.[2] Quod anno 2009 domus Bohemica KAVA-PECH in lucem protulit. Jensenius inde a multis annis in praesidio Consociationis Danorum Esperanticae (DEA) sedet.[3]
Florilegium de mundo Esperantico
[recensere | fontem recensere]Libello modesto eleganter et cum sale varietas rerum ab esperantistis actarum et agendarum demonstratur atque narratur. Ecce capitula editionis principis; patet res nonnullas anno 2009 vigentes mutatas esse.[4]:
- Kastelo Grezijono (de Castello Grésillon)
- En la ret-babilejo (de praesenti intercommunicatione interretiali paucis verbis facienda)
- Internaciaj Fervojistaj Ski-semajnoj (de membris IFEF qui iugiter nartare solent)
- Ĉirkaŭ la mondo en pli ol 800 tagoj (de itineribus maximis)
- Akademio de Esperanto (de Academia Esperantica)
- Amikoj per korespondado (de epistulari commercio colendo)
- Sur la tegmento de la mondo (convenitur cum esperantistis in Nepalia degentibus)
- En Vikipedio (de Vicipaedia Esperantica)
- Vojaĝo per boato sen krokodili[5] (de esperantistis navigantibus)
- Monato (de periodico qui Monato inscribitur)
- Pasporta servo (de hospitio liberali esperantistis ubique dato)
- La Centra Oficejo de UEA en Roterdamo (de Grapheo centrali UEA Roterodami)
- En la klubo (de vita in circulis Esperanticis localibus)
- Ne mansvingu al viaj geamikoj! (de auctionibus venalibus)
- Verda domo de Arizono (de deversorio quodam Esperantico in Arizona)
- La Universala Kongreso (de Congressibus universalibus Esperanticis celebrandis)
- Esperanto-muzeoj (de museis in quibus praesertim res ad Esperantica pertinentes admireris)
- De la Unua Libro ĝis Interreto (de primo libro Zamenhofiano usque ad interrete historia litteraria)
- Travivaĵoj sur du radoj (de birotariis fanaticis Esperantice colloquentibus)
- Bona Espero (de schola et Latifundiis Bonae Spei in Brasilia sitis)
- Esperanto en universitatoj (de Esperantico in universitatibus discendo)
- Ĝemelaj urboj (de coniunctione communium et partibus quas lingua Esperantica ibi agere possit)
- La Jarlibro de UEA kaj la Delegita reto (de enchiridio UEA et plenipotentiariis UEA ubique dispersis)
- IJK - por la junaj en jaroj aŭ en koro (lingua Esperantica semper iuvenis)
- Je la Kabo de Bonespero (apud Promontorium Bonae Spei)
- Ekoturismaj renkontiĝoj (coetus sodalium secundum periegesim oecologicam facti)
- Iom pri Esperanto-literaturo (de litteris Esperantice confectis)
Singulae partes quaestionibus de textu lecto finiuntur ad usum sive discentium sive magistrorum. Itaque opusculum didacticum fit.
Notae
[recensere | fontem recensere]- ↑ De eius vita nos certiores facit libri involucrum.
- ↑ Catharina Kováts: "Saluton, sinjoro prezidanto ..." - recensio apud: Undam Esperantici, 219/2013
- ↑ nota in conventu generali anni 2006
- ↑ Anno 2014 editio altera emendata edita est. - WorldCat - ISBN 9788087169490
- ↑ Loqui ut crocodilus facete dicitur de tirone qui Esperantice sciens linguam aliam uti mavult.