Fontem paginae Publilius Syrus inspicere

'''Publilius Syrus''' (falso etiam ''Publius Syrius''; [[praenomen]] incognitum) fuit [[histrio]] ac mimographus [[saeculum 1 a.C.n.|saeculo primo a.C.n]]

A [[Gaius Plinius Secundus|Gaio Plinio Secundo]] Syrum [[Antiochia ad Orontem|Antiochia]]e natum esse, unde servus Romam venisse traditur. ''Syrus'' quidem nomen servile originem eius indicans neque proprium suum fuisse constat. Nomen Publilius e servitute liberatus de ultimo domino suo accepit. Post [[Libertus|liberationem]] mimos scribens et in maximis urbibus Italiae edens, quorum actionum ipse quoque particeps fuit, multum profecit. Anno 46 a.C. in certamine poetarum a [[Gaius Iulius Caesar|Gaio Iulio Caesare]] posito adversarium suum, virum nobilem nomine [[Decimus Laberius]], superavit. Ille quidem a Caesare in certamine participare coactus est.

Mimi Publilii Syri hodie ad unum omnes perditi sunt. Fama superstes e libro sententiarum eius nomine ''Sententiae'' orta est. Eae mox dignae erudiendo censae usque ad [[Antiquitas Posterior|posteriorem Antiquitatem]] in scholis tractatae sunt. Hic liber ex fere 700 versibus iambicis vel trochaeicis litterarum ordine dispositis constat, qui [[sententia (gnome)|sententias]] [[moralitas|morales]] (e.g. "Multos timere debet, quem multi timent.") continent. Communis opinio est minus quam dimidiam partem sententiarum Publilio certe tribuendam esse. Imprimis [[Humanista|Humanistae]] ''Sententiae'' veneratione coluerunt.

Opera eius variis manuscriptis mediaevalibus tradita sunt: Nostra tempestate adhuc exstant ''Collectio Palatina'', ''Collectio Senecae'', ''Caecilii Balbi collectio minor'' et ''maior'', ''Collectio Turicensis'', ''Collectio Frisingensis'' et ''Collectio Veronensis''.

== Opera ==
* Otto Friedrich, ed., ''Publilii Syri Sententiae''. Berolini, 1880; reimpressum 1964
* Hermann Beckby, ed. et interpr., ''Publilius Syrus: Die Sprüche''. Monaci, 1969

== Nexus externi ==
{{Vicicitatio|Publilius Syrus|Publilium Syrum}}
{{Vicifons|Scriptor:Publilius Syrus|Publilius Syrus}}
* [http://www.thelatinlibrary.com/syrus.html Publilii Syri sententiae]
* [[Bibliotheca Augustana]] [http://www.fh-augsburg.de/~harsch/Chronologia/Lsante01/Publilius/pub_intr.html Publilius Syrus in Bibliotheca Augustana]

== Bibliographia ==
* {{Fabricius Latina}} pp. 286-287
* "[https://web.archive.org/web/20080419001746/http://www.ancientlibrary.com/smith-bio/3299.html Publilius Syrus]" in {{Smith-bio}} vol. 3 p. 966 {{Ling|Anglice}}

{{bio-stipula}}

{{DEFAULTSORT:Publilius Syrus}}
[[Categoria:Nati saeculo 1 a.C.n.]]
[[Categoria:Mortui saeculo 1 a.C.n.]]
[[Categoria:Actores Romani antiqui]]
[[Categoria:Auctores Latini antiqui]]
[[Categoria:Gens Publilia|Syrus]]
[[Categoria:Mimographi]]
[[Categoria:Poetae Italiae]]
[[Categoria:Scriptores Syropalaestinae Graecoromanae]]