Күйкө
Көрүнүш
![](http://upload.wikimedia.org/wikipedia/commons/thumb/2/24/Common_kestrel_falco_tinnunculus.jpg/220px-Common_kestrel_falco_tinnunculus.jpg)
![](http://upload.wikimedia.org/wikipedia/commons/thumb/1/1e/Falco_tinnunculus_alexandri_MHNT.ZOO.2010.11.94.6.jpg/220px-Falco_tinnunculus_alexandri_MHNT.ZOO.2010.11.94.6.jpg)
Күйкө (лат. Falco tinnunculus) — шумкарлар тукумундагы жырткыч куш. Дене узундугу 35 смге чейин жетет. Ургаачысы эркегинен чоң. Жүнү саргыч, эркегинин жонунда кызыл күрөң тактары, ургаачысынын туурасынан кеткен чаар тилкелери бар. Боор жагы саргыч, кара тактуу. Евразияда жана Африкада таралган. Түндүктө келгин, түштүктө тургун куш. Тундрадан башка бардык жерлерде кездешет. Кыргызстанда түздүктөн тартып, деңиз деңгээли 3000—4000 м бийиктиктеги тоолордо таралган. Адамга бат үйрөнөт. Даракка, аскага, каралбай калган курулуштарга уялайт. Жалгыздан жана бир нече ондогон, жүздөгөн жуптан турган топ болуп жашайт. Күйкө кемирүүчүлөр, кескелдириктер, майда чымчыктар жана курт-кумурскалар менен азыктанат.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104-9