Виски
Виски (англисче whisky, латынча aqua vitae өмүр суусу) – спирти 40-50% жеткен алкоголдук ичимдик. Негизинен Англия менен АКШда таралган. Дан эгиндеринин ачытылган ширесин бууландыруу жолу менен алынат. Виски даярдоо үчүн бууландыруучу жана ректификациялоочу ар түрдүү аппараттар колдонулат. Вискинин бардык түрлөрүнө арпанын угуту кошулат. Жетилген Вискиге химиялык таза суу, тазартылган спирт, кээде жыттуу заттар (экстракт) жана шарап аралаштырылып, керектүү сапат камсыз кылынат.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4