Blaise Pascal
| Blaise Pascal | |
|---|---|
 | |
| Leshanow |
Louis de Montalte, Amos Dettonville  |
| Genys |
19 Metheven 1623 birth house of Blaise Pascal, Clairmont |
| Mernans |
19 Est 1662 Paris |
| Trigva |
Clermont-Ferrand, Paris, Rouen, Paris |
| Kenedhlogeth |
Ruwvaneth Frynk |
| Galwesigeth |
awgrymer, filosofer, theologydh, fisegydh, skrifer, masydh Frynkek |
| Chyf delanwes |
Michel de Montaigne, René Descartes |
| Tas |
Étienne Pascal |
| Mamm |
Antoinette Begon |
| Sinans | |
Blaise Pascal (19 Metheven 1623 – 19 Est 1662) o kalkor, fysegydh, deviser, filosofer, theologydh ha skrifer Frynkek. Genys veu ev yn Clermont-Ferrand, Pow Frynk. Adhyskys o ev yn tien gans y das Étienne hag o toller. Y vamm a verwis pan o ev tri bloodh.
Y ober a-varra yn awgrym o war treghow pigorn. Ev a skrifas assay meur war an desten a vynsonieth towlek, 16 y vloodh. Ev a gesskrifas gans Pierre de Fermat a-dro dhe dhamkanieth hevelepter hag o delanwes kres war an displegyans a skiens sosyel hag erbysieth arnowydh. Yn 1642, hwath degowek, ev a dhallathas ober ragresek ow tochya jynnys rekna (henwys reknell Pascal ha, wosa henna, Pascalinow). Onan a'n dew dheviser kynsa a'n reknell jynnweythek o ev.
Godhonydh o Pascal ynwedh. Ev a skrifas dhe skoodhya an gis ober skiensek ha kevri dhe fysegieth. Kevrohow posek a wrug ev dhe'n studhyans a linyow ha klerhe an tybyansow a waskedh ha gwakter dre lesa ober Evangelista Torricelli.
Wosa prevyans kryjyek yn 1654, ev a dhallathas skrifa oberennow meur aga delanwes war filosofieth ha theologieth. Onan a'y oberennow a yssynsas Gwystel Pascal, argyans hevelepterek fideistek rag bosva Duw.
Pascal a verwis yn Paris, 39 y vloodh. An unses Pascal o henwys herwydh y hanow.
Yma'n erthygel ma owth usya an Furv Skrifys Savonek a-barth Kernowek kres.
|
Onan a'n mil erthygel posekka war Wikipedya yw an erthygel ma. |