Ilow
Ilow, po musik, yw furv a art; semlant a amovyansow der menowghteryow kessenyansek. Ynwedh ilow yw furv a didhanedh ow junya sonyow yn fordh tus a gar, dhe les po da rag donsya. Moyha ilow a gomprehend tus ow kana gans aga levow po seni daffar ilow, rag ensampel piano, gitar, tabouryow po krowd.
![](http://upload.wikimedia.org/wikipedia/commons/thumb/9/9b/Music_lesson_Staatliche_Antikensammlungen_2421.jpg/250px-Music_lesson_Staatliche_Antikensammlungen_2421.jpg)
![](http://upload.wikimedia.org/wikipedia/commons/thumb/e/e3/Louis_Armstrong_NYWTS.jpg/250px-Louis_Armstrong_NYWTS.jpg)
![](http://upload.wikimedia.org/wikipedia/commons/thumb/3/35/Estonian_National_Symphony_Orchestra_%28ERSO%29_in_Stockholm%2C_2008.jpg/250px-Estonian_National_Symphony_Orchestra_%28ERSO%29_in_Stockholm%2C_2008.jpg)
An ger ilow yw ger tarosvan dhyworth miskemeryans gans geryow rannyeth Sowsnek lew ha muzzick gans styr niwl ha'n ger Kembrek eilio (komposya).
Menestouthi yw ilow senys gans daffar ilow.
Styryans a ilow
golegiIlow yw son ordenys gans rhythm, melodi po kessenyans. Mars eus nebonan ow kweskel padellow ha kegina, henn yw tros. Mars eus person ow kweskel padellow yn fordh rhythmek, ev a wra gul furv sempel a ilow.
Dell yw usys ilow a's teves peswar tra:
- Lieskweyth ilow a's teves pych. Styr an ger ma yw notennow ughel hag isel. Tonyow yw gwrys a notennow neb a wra mos yn-bann po yn-nans po gortos yn keth pych.
- Lieskweyth ilow a's teves rhythm. Rhythm yw an maner sonyow ilowek ha tawyow yw kesunys yn kevres. Pub ton a'n jeves rhythm neb a yll bos gwyskys. Dell yw usys ilow a's teves gwesklen rewlys.
- Lieskweyth ilow a's teves dynamegieth. Styr an ger ma yw y vos kosel po heglew po neb tu ynter an dhew.
- Lieskweyth ilow a's teves timbre. An timbre a son yw an maner son bos dhe les. An sort a son a vo garow, jentyl, hwerow, hweg, segh, tomm, po neppyth aral. Timbre yw an dihevelepter a son yntra klarinet hag oboe, ha'n dihevelepter a son yntra lev unn den ha den aral.
Is-stokk yw an erthygel ma. Ty a yll gweres Wikipedia orth y lesa.
Gwelewgh ynwedh
golegiOnan a'n kans erthygel posekka war Wikipedya yw an erthygel ma. |