Warren G. Harding
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
![](http://upload.wikimedia.org/wikipedia/commons/thumb/8/87/Warren_G_Harding_portrait_as_senator_June_1920.jpg/220px-Warren_G_Harding_portrait_as_senator_June_1920.jpg)
Warren Gamaliel Harding (* 2. November 1865 ä Corsica, Ohio; † 2. Aujust 1923 ä San Francisco, Kalifornie) woch önö Politiker us d USA un tösche 1921 un 1923 dr 29. Präsident van d USA. Harding jehood d Republikaner an. Hä vorstorv ä sing Amtszitt. Harding joov Ziidunge öruss un vorstäng öt, sisch z präsenteere. Metjled van d Republikaner, hä hod ä sing Amtszitt met völl Skandale ä sing Partei z kämpfe. Dat braad häm dä Roff en, kenne jooe Präsident jewäh z see.
Si Lääve
[Ändere · der Quälltäx ändere]Sing Kengkheed
[Ändere · der Quälltäx ändere]Warren G. Harding wood als öt äldste va aach Kenger jeboore. Singe Papp, önö Liirer un sing Mamm, ön Hävamm, trocke met hör Famelisch at vrösch no Caledonia, wo d Famelisch ön Ziidung jekoovd hod. Dodörch kräät Warren Spass a Ziidunge un werkde och nävver si Studium vöör ön Ziidung.
Warren G. Harding en d Politik
[Ändere · der Quälltäx ändere]Harding koovde zösamme met zwei Vrönde no si Studium ön kleng Ziidung. Hä tuschde d Redaktiun us un maade dr „Marriot Daily Star“ zo d jrützde Ziidung va sing Stadt. Dat Werk schaffde Warren ösu, dat hä krank wood un ö paar Wääche en ö Spital vorbränge moot.
Em Joohr 1891 hiirode Harding Florence Kling. Dat jäng aver net ösu jott, wi mo dat erwaade kutt. Sing zokönftije Vrau woch d Doohter va Amos Kling, önö Mann, met däm hä iivich Kniiß hod. Als dä van di jeplande Huchzitt ervohr, had hä si Kengk vorstosse un sing Vrau vorboone, beij d Huchzitt dobeij z se. Florence had Warren döck beij öt Werk jeholpe un häm och dr Wäch in de Politik jezeechd.
1899 wood Warren Harding en dr Senat jewähld un tösche 1903 un 1905 woch hä dr Vizejuverneur va Ohio.
1910 vorsood hä Juverneur van Ohio z wäde, ävver dat wood önö Schlach en dr Nack. Hä vorloor d Waahl. 1914 schaffde hä dr Sprong en dr Senat van d USA.
1920 schaffde Warren Harding jätt, dat kenne erwaad hod. Hä wood zm Präsidentschaftskandidat nomeniird. Dat had d Lüüh övverraschd, denn komm enne usserhalb va Ohio hod va häm jehood. Als öruss koom, dat Warren vreuer ö Küddelche met ön vorhiirode Vrau hod, do had d Parteij di Vrau met Jeld jeschmiird.
![](http://upload.wikimedia.org/wikipedia/commons/thumb/d/d6/USA_inauguration_1921.jpg/220px-USA_inauguration_1921.jpg)
Beij d Präsidentschaftswahle va 1920 troon Harding jäje dr Demokrat James M. Cox suwi als zweide Mann Franklin D. Roosevelt an un had dobeij jewonne. Hä vorsood d Amerikaner wärm zöröck zm normal Lääve z vüühre, dat dörch dr Ischde Weltzkresch dörje braad wode woch. Dobeij holpe häm Filmstärcher wi Al Jolson, Lillian Russell, Douglas Fairbanks un Mary Pickford. Öt Jeld stammde zm Deel va Thomas Edison, Henry Ford un Harvey Firestone. Zosätzliche Hölp vong Warding dodörch, dat beij di Waahl öt ischde Mol Vraue met aavstämme dorfe un sing Vrau als Hölp beij dönö jott aakoom. Völl Skandale, beij dönö Harding joo Vreund schünn Stelle vorschaffd ha soll, broche häm bo öt Jeneck. Dobeij kutt mo Harding sälvs ävver nüüß nowiise. Watt bewesse wood, dat woch, dat hä övver Joohre ö Küddelche met en 10 Joohr jönger Vrau hod. 50.000 Dollar wode jezaahld, damet dat net örus koom. Zosätzlich hod hä ön Doohter met d Doohter van önö Vrönd.
Warren Harding storv am 2. Aujust 1923 ä San Francisco dörch önö Häzzschlach. Hä woch op ön Reis, di häm dörch Alaska jevüührd hod. Singe zweide Mann, Calvin Coolidge övvernomm dat Amt.
Jätt z lääse
[Ändere · der Quälltäx ändere]
George Washington | John Adams | Thomas Jefferson | James Madison | James Monroe | John Quincy Adams | Andrew Jackson | Martin Van Buren | William Henry Harrison | John Tyler | James K. Polk | Zachary Taylor | Millard Fillmore | Franklin Pierce | James Buchanan | Abraham Lincoln | Andrew Johnson | Ulysses S. Grant | Rutherford B. Hayes | James A. Garfield | Chester A. Arthur | Grover Cleveland | Benjamin Harrison | Grover Cleveland | William McKinley | Theodore Roosevelt | William Howard Taft | Woodrow Wilson | Warren G. Harding | Calvin Coolidge | Herbert C. Hoover | Franklin D. Roosevelt | Harry S. Truman | Dwight D. Eisenhower | John Fitzgerald Kennedy | Lyndon B. Johnson | Richard Nixon | Gerald Ford | Jimmy Carter | Ronald Reagan | George H. W. Bush | Bill Clinton | George W. Bush | Barack Obama | Donald Trump | Joe Biden