Relativitätstheorie
![]() | Hee dä Artikel beschrief dem Albert Einstein sing füsikalische Tejorije. Noh ander Bedeutunge luurt unger → Rellativität. |
---|
De Rellativitätstheorie ier Teeme_Jebbed_ess dä Oppbau fun Roum un Zick. Dobeij kumme de Eijenaate fun d'r Jravitazjohn. Et sinner zweij füssikalische Thejorije, di hät fürwiejend dä Albert Einstein opjeschrevve. Die eijn hät hä 1905 erussjebraat, de spezjelle Relativitätstheorie, un 1916 fäädish jewoode es de alljemeejne Relativitätstheorie. De shpezjälle beschrief et Verhalde vun Raum un Zick uss dä Seesch vun zweij Zoschauer, di sich jääjenander am bewäje sinn, ävver am Tempo ändert sish dobëij nix, un die Eijenarte die dohmet verbunge sen. Dodropp baut de alljmeene Relativitätstheorie op, un äkliert de Jravitation övver enne matemaatische Bejreff, dä de „Krömmung vun Roum un Zick“ jenannt weed, dä mer messe un ußräschne kann, di nävven andere Ursaache dorresh de beteilishte Masse zostand kütt.
De Relativitätstheorie hät et Verständnis fun Roum un Zick revolutioneet un merkwürdije Saache oppjedeck, di mansh eijne sich bildlich net mieh vürstelle kann. All di Saache lohsse sich äwer mattematisch nohräschne, un mer kann se experimentell enzwesche janz jenau nohwiese. En dä zweij Theorieë eß, als enne Jrenzfall, ihre Vürjänger, de Füsik fum Newton, dren enthalde, un se erfölle dohmet et sujenannte Korrespondenzprinzip.
De Relativitätstheorie es eejn vun dä zweij „Süüle“ vun dämm, wi mer su säät, „Bouwerrek“ fun d'r Füsik ier Tejorihje. Met d'r Quantetejorie, di de zweijte „Süül“ fun d'r Füsik darshtelle dëijt, hät se sesh bis hück noch net follshtändish zosammeläje loohße, da'ß no'nit jelonge, un zällt zo de jrüßte Opjave vun d'r fyssikaalische Jrundlareforschung hückzedaach. Hee en dämm Atikel witt nur dä jrundlääjende Oppbau un die Eijenarte vun dä Theorieë zesammejefass. Ussführlich künnd'r dat unger spezielle Relativitätstheorie un allgemeine Relativitätstheorie nohlässe.
De shpezjelle Rellativitätsthejori
[Ändere · der Quälltäx ändere]De Rellativität fun Roum un Zick
[Ändere · der Quälltäx ändere]Die zweij foljende Fessstellunge ka_me als unveränderbare Jrondsätz vun d'r Relativitätstheorie opfasse, uss dä me alles söns russleite kann:
![](http://upload.wikimedia.org/wikipedia/commons/thumb/9/99/Konstanz_der_Lichtgeschwindigkeit.png/220px-Konstanz_der_Lichtgeschwindigkeit.png)
- Messe verschiedene Beobachter die Jeschwindigkeijt vun_e_nem Leeschstrahl relativ zo ihrem Standplatz, su koumme se unaffhängisch vun ihrem eijgene Bewäjungszostand zom selewe Erjebnis. Dat sujenannte Prinzip vun dä unveränderbare Jlichheijt vun d'r Leeschjeschwindigkeijt is met unsere normalen Oppfassung vun Raum un Zick net ze erkläre, sondern kütt unß wi e Parradox für.
- All physikalische Jesetze hann för all Beobachter, die sich met jlicher Jeschwindigkeijt bewäje, soull heeße keener Beschleunijung ungerlieë, dieselewe Usswirkung un Form. Dä Ömstand nennt me Relativitätsprinzip un sprich vun Inertialsysteme, in dänne sich die Beobachter befinge.
Z’r Oplüsung vun dämm för uns schingbare Paradoxon mössen de alljemeine Vürstellunge vun_e_nem absolute Raum un_e_ner absoluten Zick opjejowe weede: Raum- un Zickaanjabe sen en d’r Relativtätstheorie net allgemeen jültig, sondern als räumliche un zeitliche Affstand vun e_nem gleichzeitige Ereischnis opzefasse, dat vun zweij Beobachter in zweij verschiddene Bewäjungszuständ Intertialsytem ungerschiedlich beuurdeelt witt. Die Frooch, wär vun dänne zweij dat Ereischnis zor jlichen Zick richtisch beschriefe un schildere kann eß doröm sinnlos, weijl all bewäschte Objekte sich em Verjlich zom Ruhestand en Bewäjungsrichtung als verküürz vürkoumme, un bewäschte Uhre langsamer loofe. Die festjestallte Längenkontraktion un Zeitdilatation läss sich eijentlich janz leech met Minkowski-Diagramme un met dämm bekannte Zwillingsparadoxon beschriewe.
All die Eijenarte maache sich äwer iersch beij sehr huhe Jeschwindigkeijte die d’r Leeschjeschwingkeijt nähere bemerkbar, so datt me se em normale Alltag net bemerk.
Jlichheijt vun Masse un Energie
[Ändere · der Quälltäx ändere]En_e_nem Süstem met d'r Mass m läss sich och em unbewäscchte Zostand en Energie E zoordne, un zwar noh dä Formel:
wobei c de Jeschwindigkeijt vum Leesch es. Boven die Formel es enn vun dä beröhmteste Formele en d’r Physik.
Off witt behaupp, dat me die Formel zor Entwicklung vun d’r Atomboumpp jebruch hätt. Datt stimp äwer net, weijl se beij dä Veröffentlichung vun dä Formel in d’r Atomphysik at vell wigger geforsch hatte. Allerdings kounnt me späder met dä Formel öwer ne andere Rechenwääsch die Erjebnisse vun d’r Atomphysik öwerpröfe.
Vereinijung vun Raum un Zick zo d'r Raumzick
[Ändere · der Quälltäx ändere]Raum un Zick erschingen en de Jrundjleischung vun dä Relativitätstheorie zom jrüzte Deel jlischwertich nevenander un loossen sech doher zo ener vierdimensionale Raumzick vereinije. Dä Ümstand, dat mir Raum un Zick als ungerschiedliche Erscheinunge wohrnemme lossen sich am Schluß op eh einzijes Vürzeiche zeröckführe, dorch dat sich de Art un Wies, wie ene Avstand em euklidische Raum defeniert witt, vun de Bestimmung vum Avstand en de vierdimensionale Raumzick ungerscheed. Us jewöhnliche dreijshtellije Vektore werden dobei Vierervektore.
Wäbsigge
[Ändere · der Quälltäx ändere]- Tempolimit Lichtgeschwindigkeit - Visualisierung der Phänomene der Relativitätstheorie
- General Relativity - How to explain Einstein's theory?
- Einstein online
- Zur technischen Anwendung der Allgemeinen Relativitätstheorie in GPS-Systemen
- Zur Geschichte der speziellen Relativitätstheorie
Schablon:Wikibooks Schablon:Wikibooks Schablon:Wikibooks
Videos
[Ändere · der Quälltäx ändere]- Real Video (Aus der Fernsehsendung Alpha Centauri):
![]() |
Mieh Aatikkel övver Weßßeschaaf & Teschnigk fingßte op dä Pooz:Weßßeschaaf & Teschnigk |